10 Qyrkúıek, 11:34 230 0 Jahan Anar LEPESOVA

Reseıdiń shartyna kónse, Ýkraına arzan gazǵa qol jetkizedi

Eger Kıev reseılik kógildir otyndy tikeleı tasymaldaýǵa kelisim berse, ýkraındyqtar kórshiniń gazyn 25 paıyz jeńildikpen ala alady. Bul týraly «Gazpromnyń» basqarma basshysy Alekseı Mıller Reseı prezıdenti Vladımır Pýtınmen kezdesýde aıtty, dep habarlaıdy Federaldy jańalyqtar agenttigi.

Mıllerdiń sózinshe, ekijaqty kelissózderdegi negizgi másele – tranzıt týraly sóz qozǵamaı, Ýkraınaǵa gazdy tikeleı jetkizý.  Ázirge Kıev reseılik gazdy eýropalyq alypsatarlardan aıtarlyqtaı qymbat baǵaǵa alyp otyr.

Buǵan qosa, Mıller Pýtınge reseılik eń iri gaz alpaýyty – «Sıla Sıbırı» qubyrynyń qurylysy qalaı júrip jatqanyn baıandady. «Gazprom» basshysynyń sózinshe, 2019 jyldyń 1 jeltoqsanynda kompanııa Qytaıǵa gaz tasymaldaýdy bastamaq.

Sońǵy jańalyqtar