10 Qyrkúıek, 11:15 208 0 Ishki saıasat Dınara MYŃJASARQYZY

Erbolat Dosaev: eksporttyń ulǵaıýy baǵany kóterdi

Qazaqstan Respýblıkasynyń Ulttyq bank tóraǵasy Erbolat Dosaevtyń qatysýymen ótken baspasóz máslıhatynda bazalyq mólsherlemeni kóterý týraly, sondaı-aq, ınflııaııa deńgeıi men azyq-túlik baǵasynyń turaqtylyǵy jaıynda keńinen sóz boldy.

Onyń aıtýynsha, bıylǵy jyldyń tamyz aıynda jyldyq ınflıaııa 5,5 paıyzdyq deńgeıdi ustap turǵan. Iaǵnı, tutynýshylyq suranystyń artýy munyń ári qaraı da (5,7-5-8 paıyzǵa) ósýine ákelýi múmkin. Al 2020 jyly ınflıaııa baıaýlap, 4,6 paıyzdyq deńgeıde bolady degen boljam bar. Bul turǵyda quryly
Alaıda, Ulttyq bank tóraǵasy elimizdegi azyq-túlik baǵasynyń qymbattaýyna eksporttyń ulǵaıýy sebep deıdi. 2018 jyldyń jeltoqsanynda 5,1 paıyz bolsa, baǵanyń jyldyq ósýi 9 paıyzdy qurady. Demek, syrtqy suranystyń artyp, ishki usynystyń tómendeýi barysynda et, nan-toqash ónimderi men jarmanyń baǵasy ósti. Al kazyq-túlikke jatpaıtyn taýarlanr baǵasy jyldyq kórsetkish boıynsha 5,7 paıyzdyq qalypty ósý qarqynyn ustap otyr (2018 jylǵy jeltoqsanda 6,4 paıyz bolǵan).

Ultyq bank tóraǵasy Erbolat Asqarbekuly halyq arasynda júrgizilgen saýalnama boıynsha, respondentterdiń 60 paıyzy aldaǵy bir jyl ishinde ınflıaııanyń aǵymdaǵy deńgeıiniń saqtalýyn nemese tómendeýin kútedi. Olar aldaǵy 12 aıda ınflıaııa 5,3 deńgeıinde bolady dep baǵalaýda.
Ultty Banktiń baǵalaýy boıynsha, 2019 jyly Qazaqstannyń ekonomıkalyq ósýi 3,8 paıyz. Bul kórsetkish ekonomıkanyń birshama baıaýlaǵanyn kórsetse, 2020 jyly salystyrmaly joǵary – 3,5 paıyz bolady dep boljanǵan.
Sondaı-aq, bıyl munaı baǵasy birshama tómendedi. Jyl basynan beri baǵanyń ortasha deńgeıi BRENT markaly munaıdyń bir barreli úshin 65 AQSh dollary boldy. Al byltyr 72 AQSh dollaryn quraǵan. Sońǵy aıda munaı baǵasy qubylmaly bolyp tur. Bıyl shildeniń ortasynan bastap munaıdyń álemdik baǵasy AQSh-ta suranystyń azaıýyna jáne óndirý kóleminiń artýyna baılanysty quldyraı bastady. Bul álemdik munaı qorynyń ósýine alyp keledi.

Taǵy bir aıta keterligi, Ulttyq bank tóraǵasy Erbolat Dosaev eki jyldan keıin, ıaǵnı, Qazaqstan Táýelsizdiginiń 30 jyldyǵyna oraı Ulttyq banktiń de elorda tórine kóshetindigin aıtty. «Bul taqyryp birneshe jyldan beri talqylanyp keledi. Banktiń Nur-Sultan qalasyna qonys aýdaratyn merzimine qatysty Memleket basshysy sheshim shyǵardy. Ulttyq bankti qaıta qurý kezinde derbes ortalyq memlekettik ınstıtýt retinde bólinip shyǵatyn, Prezıdentke tikeleı baǵynyshty bolatyn qarjylyq naryqty retteý men damytý agenttigi Almatyda qalady dep aıta alamyn. Qarjylyq naryqtyń damýyna jaýap beretin tarıhı statýsy bar retteýshi Qarjylyq ınstıtýttarǵa jaqyn bolǵany durys. Almatynyń qarjylyq ortalyq retinde mártebesi joǵalmaıtynyna senimdimin», – dedi Erbolat Dosaev.

Sońǵy jańalyqtar