10 Qyrkúıek, 11:06 257 0 Ekonomıka Anar LEPESOVA

Memqyzmet: qandaı mamandardy qysqartý kútip tur?

Elimizde memlekettik qyzmetkerler men ulttyq kompanııalar qyzmetkerlerin qysqartý jumystary 2020 jyldan bastalyp, 2024 jylǵa deıin jalǵasady. Ekonomıka ǵylymdarynyń doktory, professor Borash Myrzalıev memqyzmette qalý úshin mamandar qandaı qasıetke ıe bolý keregin aıtty.

Ǵalymnyń aıtýynsha, qysqartýdyń negizgi maqsaty – memlekettik qyzmetkerlerdiń jumysyn tıimdi etý. Sol arqyly bıýdjetti únemdep, qyzmetkerlerdiń eńbekaqysyn kóterý. Memleket basshysy Qasym-Jomart Toqaev óz joldaýynda tıimsiz kadrlardy qysqartyp, odan únemdelgen qarjyny paıdaly qyzmetkerlerdi materıaldyq turǵydan yntalandyrýǵa baǵyttaý kerek degen bolatyn. Qysqartý 2020 jyldan bastalady. 2024 jylǵa deıin memlekettik qyzmetkerler men ulttyq kompanııalardaǵy jumysshylar sany 25 paıyzǵa qysqarady.

«Memlekettik qyzmetshilerdiń tıimdiligin kóterýde, eń birinshi másele – halyqpen jumys istese bilý. Halyqtyń bir bóligi memlekettik qyzmetshilerdiń qyzmetine kóńili tolmaıdy. Memlekettik qyzmetshilerdiń halyqtyń áleýmettik jaǵdaıyn kóterýdegi qarym-qatynasyn aıta berý kerek. Óıtkeni kez kelgen memqyzmetshi halyqtyń ókilimen sóılese almasa, kóńilinen shyqpaıtyn bolsa, ondaı memqyzmetshiden keleshekte basshy shyǵýy múmkin emes», – deıdi Borash Myrzalıev.

 

Sońǵy jańalyqtar