10 Qyrkúıek, 10:42 296 0 Jańalyqtar Túrkistan Gazeti

Asqar Mamın: Qazaqstan ekonomıkasynyń ósimi 8 aıda 4,3% qurady

Premer-Mınıstr Asqar Mamınniń tóraǵalyǵymen ótken QR Úkimetiniń selektorlyq otyrysynda 2019 jylǵy qańtar–tamyzdaǵy elimizdiń áleýmettik-ekonomıkalyq damýynyń jáne respýblıkalyq bıýdjettiń oryndalýynyń qorytyndylary qaraldy. Bul týraly primeminister.kz habarlady.

QR ulttyq ekonomıka mınıstri R. Dálenov, Ulttyq bank tóraǵasy E. Dosaev jáne QR Premer-Mınıstriniń birinshi orynbasary – qarjy mınıstri Á. Smaıylov baıandama jasady.

Halyqtyń jan basyna shaqqandaǵy ortasha ataýly aqshalaı tabysy 2019 jylǵy qańtar-mamyrda 486 myń teńgeni qurady jáne 2018 jyldyń sáıkes kezeńimen salystyrǵanda ataýly máninde 10,8%-ǵa, naqty máninde 1,7%-ǵa ósti.

2019 jyldyń qańtar-tamyz aılarynda JIÓ ósimi 2018 jyldyń sáıkes kezeńimen salystyrǵanda 4,3% qurady.

Qurylysta – 11,8%, saýdada – 7,6%, kólik salasynda – 5,5%, aýyl sharýashylyǵynda – 3,6%, baılanys qyzmetinde – 3,4%, óńdeý ónerkásibinde, onyń ishinde mashına jasaýda – 18%, jeńil ónerkásipte – 17,4%, tústi metaldardy óndirýde – 17,9%, munaı óńdeý – 6,2% salalarynda oń ósim dınamıkasy baıqalady.

Úshinshi aı qatarynan ınflıaııa 0,2% tómen deńgeıinde saqtaldy. Jyldyq ınflıaııa maqsattyq dáliz sheginde tur jáne 5,5% qurady.

QR Premer-Mınıstri Asqar Mamın negizgi kórsetkishter boıynsha ekonomıkalyq ósim Atyraý, Qaraǵandy, Qyzylorda, Túrkistan, Shyǵys Qazaqstan jáne Soltústik Qazaqstan oblystarynda baıqalatynyn atap ótti.

Úkimet basshysy Mańǵystaý, Qyzylorda, Batys Qazaqstan oblystarynda, Nur-Sultan jáne Shymkent qalalarynda qurylys, ınvestıııalar, ónerkásip, aýyl sharýashylyǵy jáne turǵyn úılerdi paıdalanýǵa berý kórsetkishteriniń tómendeýine qatysty jaǵdaıdy qysqa ýaqyt ishinde túzeýdi tapsyrdy.

«Ótken aptada Memleket basshysy Qazaqstan halqyna Joldaýyn jarııalady, onda Elbasynyń saıasatymen sabaqtastyq kórinis tabady jáne Úkimettiń ekonomıkany odan ári damytýǵa baǵyttalǵan birqatar negizgi mindetteri belgilengen. Úkimettiń basty mindeti - JIÓ-niń jyl saıynǵy turaqty ósýin qamtamasyz etý jáne ony 2025 jylǵa qaraı 5% jáne odan da joǵary deńgeıge jetkizý», — dep A. Mamın, salalyq mınıstrlikterge belgilengen maqsatty ındıkatorlarǵa qol jetkizý jumystaryn kúsheıtýdi tapsyrdy.

Osy jyldyń segiz aıynyń qorytyndysy boıynsha respýblıkalyq bıýdjetke kirister 6 958,3 mlrd teńgeni qurady (jospardyń 101,1%), ósý qarqyny 119,2% qurady. Esepti kezeńdegi respýblıkalyq bıýdjettiń ıgerilýi 98,9% qurady.

Birqatar baǵdarlama ákimshilerinen baıqalyp otyrǵan bıýdjettiń tolyq oryndalmaýyna baılanysty, QR Premer-Mınıstri Asqar Mamın bıýdjet qarajattaryn ýaqytyly ıgerýdi qamtamasyz etýdi tapsyrdy

Sońǵy jańalyqtar