9 Qyrkúıek, 11:31 245 0 Jańalyqtar Túrkistan Gazeti

Qazaqstandyq bitimgerler BUU medalimen marapattaldy

Lıvandaǵy ekinshi qazaqstandyq bitimgershilik rotasynyń áskerı qyzmetshileri BUU-nyń «Beıbitshilik qyzmetinde» medaline ıe boldy. Bul týraly Qorǵanys mınıstrliginiń baspasóz qyzmeti habarlady.

Júldeni jıyntyq rotanyń jeke quramyna BUU ýaqytsha kúshteri shtabynyń bastyǵy tabystady. Medaldiń artqy jaǵynda «IN THE SERVICE OF THE PEACE» degen bederli jazý ornalasqan. Bul «beıbitshilik qyzmetinde» degen maǵynany bildirip, BUU mıssııasyna qatysqandyǵyn dáleldeıdi. Mindetterdi oryndaý barysynda bizdiń bitimgershilik rota «kásipqoı bitimger» mártebesine ıe boldy.

Qazaqstan men Úndistan Úkimeti arasyndaǵy «Úndi batalonynyń quramyna qazaqstandyq bitimgershilik kontıngentin ornalastyrý tártibi týraly» kelisimge sáıkes ekinshi bitimgershilik rota «Lıvandaǵy BUU ýaqytsha kúshteri» mıssııasyna qatysýǵa alty aı merzimge birinshi rotany aýystyrý úshin jiberilgen edi. 2019 jyldyń qarasha aıynda bitimgerler quramy elge oralyp, olardy almastyrýǵa úshinshi bitimgershilik rota attanady.

Buǵan deıin qazaqstandyq áskerıler tek baqylaýshylar retinde qatysqan edi.

Jalpy, Qazaqstan beıbitshilik pen qaýipsizdikti nyǵaıtý jónindegi bastamalardyń jaqtaýshysy jáne belsendi qatysýshysy ekendigin aıta ketken jón. Bitimgershilik áleýetin damytý QR Qarýly Kúshterin aldaǵy ýaqytta damytýdyń mańyzdy mindetteriniń biri bolyp tabylady.

Esterińizge sala keteıik, 1-shi qyrkúıekte Izraıl áskeri Lıvan aýmaǵyna zymyrandyq soqqy jasaǵan bolatyn, osyǵan baılanysty BUU bólimsheleriniń quramyna kiretin Qazaqstannyń ekinshi bitimgershilik rotasy arnaıy mindettemelerge sáıkes tapsyrmalardy oryndaý úshin tolyq jaýyngerlik ázirlikke keltirildi.

Sońǵy jańalyqtar