5 Qyrkúıek, 10:31 450 0 Nur Otan Ásel ÁNÝARBEK

"Qoǵam" aptalyǵy

Mańyzdy máseleler talqylandy

«Nur Otan»  partııasy elordalyq  fılıalynyń partııalyq aktıvi Saıası Keńestiń sheshimderin talqylady. Elordalyq partııa aktıviniń otyrysynda sybaılas jemqorlyqqa qarsy kúresti júıeli túrde kúsheıtý, qalalyq máslıhattaǵy partııa frakııasynyń jumysyn kúsheıtý, halyqtyń ótinishterine jedel den qoıý máseleleri sóz boldy.

Kezdesýdiń basty taqyryby – «Bolashaqqa  nyq qadam». Esterińizge sala keteıik, baǵdarlamalyq qujatta partııa Tóraǵasy, Elbasy Nursultan Nazarbaev partııanyń belsendi múshelerin shoǵyrlandyrý boıynsha sharalar qabyldaýdy, sybaılas jemqorlyqqa qarsy kúresti kúsheıtýdi jáne partııa ishinde «tazalaý» júrgizýdi, partııa organdarynyń áleýetin barlyq deńgeıde barynsha júzege asyrýdy, bıliktiń barlyq deńgeılerinde partııalyq jaýapkershilikti arttyrýdy tapsyrǵan bolatyn.

«Sybaılas jemqorlyqqa qarsy kúres turaqty bolýy tıis. «Adaldyq alańy» jobasy boıynsha sybaılas jemqorlyqtyń aldyn alý jáne eskertý boıynsha naqty nátıjeler bar. Biz partııanyń belsendi múshelerin qoǵamdyq baqylaýdy birge ótkizýge shaqyramyz. Tek transparenttilik adam faktoryn alyp tastaýǵa múmkindik beretin, sondaı-aq ıfrlandyrý ásirese memlekettik qyzmet kórsetý salasynda kómek kórsetýge kómektesedi», – dep atap ótti «Nur Otan» partııasynyń qalalyq fılıalynyń tóraǵasy, Nur-sultan qalasynyń ákimi  Altaı Kólginov.

Elorda ákimi sondaı-aq máslıhattaǵy depýtattyq frakııanyń memlekettik baǵdarlamalardyń iske asyrylýyna partııalyq baqylaýdy kúsheıtýdi tapsyrdy. Konstıtýııa kúni qarsańynda jańadan qabyldanǵan partııa múshelerine partııalyq bıletter tabys etildi, al qalalyq partııa uıymynyń belsendileri alǵys hattarmen marapattaldy.

 

Partııa quramy jastarmen tolyqpaq

«Nur Otan» partııasy Aqtóbe oblystyq fılıaly Saıası keńesiniń keńeıtilgen otyrysynda partııa jumysyn jańǵyrtý boıynsha negizgi mindetter, jumysty jetildirý joldary men partııanyń oblystyq fılıaly Saıası keńes Bıýrosynyń quramyna ózgerister engizý máseleleri talqylandy.

«Nur Otan» partııasy Aqtóbe oblystyq fılıalynyń tóraǵasy, Aqtóbe oblysynyń ákimi Ońdasyn Orazalın «Senim. Dıalog. Bolashaqqa nyq qadam – «Nur Otan» partııasynyń 7 serpini» baǵdarlamasynda Elbasy partııanyń belsendi múshelerin toptastyrý, jemqorlyqpen kúresti kúsheıtý jáne partııadan laıyqty emes múshelerdi shyǵarý úshin sharalar qabyldaýdy, barlyq deńgeıde partııa organdarynyń áleýetin meılinshe júzege asyrýdy, bıliktiń barlyq deńgeıinde partııalyq jaýapkershilikti arttyrýdy tapsyrǵanyn atap ótti.

«Aldaǵy ýaqytta qoǵamdyq máselelerdi udaıy kóterip júrgen, ony sheshýdi usyna biletin, óz sózin dáleldeı alatyn azamattar partııa qataryna tartylatyn bolady. Partııa músheleriniń qoǵamda bolyp jatqan jaǵdaılarǵa nemquraıly qaramaı, der kezinde ún qatýy, naqty is-sharalar qoldanylýy nazarǵa alynady», –  dedi partııanyń oblystyq fılıalynyń tóraǵasy.

Sondaı-aq Ońdasyn Orazalın kásipkerlikpen aınalysamyn degen adamdarǵa jaǵdaı jasalatynyna nazar aýdardy. Tek deni saý, eńbekke qabiletti adam jumys isteýi kerek. Ol masyldyq qarym-qatynasty joıý jáne halyqqa barlyq baǵdarlamalar jóninde túsindirý qajettigine erekshe toqtaldy. «Partııa Tóraǵasy elimizde atqarylyp jatqan jumystardyń durys baǵytta júrip kele jatqanyn aıta kele, el jastaryn eńbek etýge úndep, masyldyqtan arylýǵa shaqyrdy. Qazirgi tańda shaǵyn jáne orta bıznespen aınalysamyn degen adamdarǵa jol ashyq, memleket tarapynan jan-jaqty qoldaý bar. Osyǵan baılanysty «Eńbek» baǵdarlamasy aıasynda «Bıznes bastaý», «Jas maman», «Jas kásipker» jobalary jaqsy iske asyrylyp, óńirimizde kóptegen jumystar jasalyp, oń nátıjelerin berip keledi», –  dedi ol.

Kún tártibi boıynsha sóz alǵan partııanyń Aqtóbe oblystyq fılıaly tóraǵasynyń orynbasary Nurhan Aǵnııazov qazir oblystyq fılıalǵa qarasty  251 bastaýysh partııa uıymynda  44284 partııa múshesi bar ekenin atap ótti. «Partııa Tóraǵasynyń Saıası keńeste kótergen máselesine oraı, partııada el degende janashyrlyqpen jumys isteıtin, halyqqa shyn jany ashıtyn belsendilermen jumysty jalǵastyryp, partııadan baılanys úzgen múshelerdi partııa músheliginen shyǵarý jumystary bastaldy», – deı kele, Nurhan Aǵnııazov partııanyń oblystyq fılıalynda bastaýysh partııa uıymdarynyń belsendiligin arttyrýǵa erekshe kóńil bólingenin tilge tıek etti.

Partııanyń Aqtóbe qalalyq fılıaly tóraǵasynyń birinshi orynbasary Nurlybek Júsipovtiń aıtýynsha, turǵyndardyń áleýmettik jelilerde kótergen máselelerine oraı qalanyń móltek aýdandarynda kóshpeli qoǵamdyq qabyldaýlar uıymdastyrylýda. Sondaı-aq «Qutty meken» ulttyq jobasy aıasynda qalada «Nurly jer» jáne «Nurly jol» baǵdarlamalary boıynsha salynyp jatqan qurylys nysandaryna partııalyq baqylaý beketteri ornatylyp, nátıjesinde turǵyndar men partııa arasynda tyǵyz baılanys jolǵa qoıylǵan.

«Jas Otan» Jastar qanatynyń oblystyq fılıaly tóraǵasy Asyljan Búrkitalın «Ardagerlerdi ardaqtaıyq», «English for Jastar» jobasy men «TazaQazaqstan» ekologııalyq akııasy aıasynda jáne eriktilikti damytý boıynsha atqarylyp jatqan jumystardy baıandady. Sondaı-aq, Aqtóbe oblysynda jas depýtattardyń sany az ekenin aıta kele, Elbasy tapsyrmasyna oraı barlyq deńgeıdegi máslıhattarda jastardyń úlesin arttyrý qajet ekenine toqtaldy. Onyń aıtýynsha, bul jumysqa aqtóbelik jasotandyqtar  daıyn.

 

Balalar quqyǵyn qorǵaý – negizgi mindet

«Nur Otan» partııasy janyndaǵy balalardyń quqyqtaryn qorǵaý jónindegi Respýblıkalyq Keńestiń jumys toby Jetisý óńirine taban tiredi.

Basty maqsat – «Baqytty otbasy» jobasy aıasynda jasalǵan arnaıy Jol kartanyń óńirde júzege asyrylý barysymen tanysý, balalardyń quqyqtaryn qorǵaý jáne az qamtylǵan  jaǵdaıy tómen otbasylarǵa kómek kórsetý boıynsha atqarylyp jatqan jumystarǵa nazar aýdarý, óńirdiń áleýmettik salada atqarǵan jumystarynyń nátıjesimen tanysý. Osy rette QR Prezıdent Ákimshiliginiń bastamasymen jáne «Baqytty otbasy» partııalyq jobasyn júzege asyrý sheńberinde Almaty oblysynda balalardyń quqyqtary men zańdy múddelerin qorǵaýdy qamtamasyz etý júıesin jetildirý usynystaryn zertteý jáne jınaý máseleleri boıynsha kóshpeli saraptamalyq tobynyń otyrysy ótti.

14 óńirdiń ákimderi qol qoıyp, júzege asyrýdy bastaǵan «Baqytty otbasy»  jobasynda otbasynyń qarjylyq jaǵdaıyn jaqsartý, balalar úshin qaýipsiz ortany qalyptastyrý, Jumyspen qamtý jáne qosymsha bilim berýdi qamtamasyz etý jáne kámeletke tolmaǵandarǵa qatysty zorlyq-zombylyqty anyqtaý sııaqty  70-ten astam sharalar  júzege asyrylatyn bolady.

«Almaty oblysynda balalardyń ómir súrý deńgeıi men qaýipsizdik erejelerine erekshe nazar aýdaramyz. Arnaıy «Jol kartasy» aıasynda balalardyń ár túrli ortada ómir súrý sapasyn anyqtaımyz: mektep, mektepke deıingi bilim berý mekemeleri, kóshe, úı alańdary. Barlyq mekemelerde balalardyń qaýipsizdigi asa mańyzdy. Eń aldymen ózine-ózi qol jumsaý, balalar qylmysy, balanyń bilim alyp, tárbıelenýine qajet ınfraqurylymdy qamtamasyz etý sharalary», – deıdi  Respýblıkalyq keńes  tóraǵasynyń orynbasary Dınara Zakıeva.

«Almaty  oblysynda óńir basshylyǵy óz jol kartasynda otbasy jáne jastar isteri jónindegi basqarmanyń ashylýyn bekitti, ol vedomstvoaralyq úılestirýdi qurýǵa jáne balalar men otbasylardyń quqyqtary men zańdy múddelerin qorǵaý salasynda júıeli tásildi ortalyqtandyryp qurýǵa múmkindik beredi», – dep atap ótti «Nur Otan» partııasy janyndaǵy balalardyń quqyqtaryn qorǵaý Keńesiniń múshesi Rysty Maǵaýııaqyzy.

 

Jańa tehnologııa múmkindigi tanystyryldy

QR Parlamenti Májilisiniń depýtattary, «Nur Otan» partııasy parlamenttik frakııa músheleri Gúljan Qaraǵusova, Tatıana Iakovleva jáne Jeksenbaı Dúısebaev Aqmola oblysy Aqkól qalasynyń Ahýaldyq ortalyǵynyń jumysymen tanysty.

«Smart city – Aqyldy qala» zamanaýı tehnologııalaryn engizý jónindegi pılottyq joba «ıfrly Qazaqstan» memlekettik baǵdarlamasy sheńberinde júzege asyryldy.

Sapar barysynda depýtattar nazaryna turǵyn úı-kommýnaldyq sha­­rýashylyǵyn qashyqtyqtan basqarý, qalanyń tynys-tirshiligin qamtamasyz etý, jol qozǵalysyn basqarý jáne úılestirý, ekologııalyq jaǵ­­daı boıynsha tehnologııalar usy­nyldy. Aqkól qalasynda avtomatty rejımde ár úıdiń sýdy tutyný kólemi esepteledi. Jańa tehnologııalardyń kómegimen sý qubyrlarynyń zaqymdanýyn birden anyqtaýǵa bolady.

Barlyq derekter ahýaldyq ortalyqqa – dıspetcherlik zal, monıtorıng úshin beıne qabyrǵaly, beınekon­ferenbaılanys júıesi, call-ortalyǵy bar obektige túsedi. Ahýaldyq ortalyq vedomstvoaralyq ózara is-qımyldy uıymdastyrý, qalanyń tynys-tirshiligin taktıkalyq jáne strategııalyq basqarý boıynsha she­shim­derdi kórsetý, kommýnaldyq qyzmetterdi basqarý, qalalyq resýrstar týraly shynaıy jáne ýaqtyly málimetterdi agregaııalaý, qaýipsizdikti qamtamasyz etý úshin qajetti ın­fra­qurylymmen jabdyqtalǵan.

Derekterdi jınaý jáne óńdeý «Qazaqtelekom» AQ Derekterdi óńdeý ortalyǵynda júrgiziledi. Qalanyń barlyq aýmaǵy boıynsha ózekti aqparattyń ósip kele jatqan kólemin jınaý maqsatynda «Qazaqtelekom» AQ qajetti sandyq jáne zııatkerlik ınfraqurylym qurdy.

Ortalyq jumysymen tanysý qorytyndysy boıynsha depýtattar Aqkól qalasynyń tájirıbesin respýblıkanyń basqa óńirlerinde odan ári taratý máselesin qarady.

 

Turǵyn úı qurylysy jandanady

Qazaqstan Respýblıkasy Parlamenti Májilisiniń depýtattary Meıram Pishembaev pen Nurlan Ábdirov jumys sapary barysynda Pavlodar oblysynyń Aqsý qalasyndaǵy eki páterli úılerdiń qurylys alańyna bardy.

Jeke turǵyn úı qurylysy shaǵyn aýdanynda salynyp jatqan úılerdi turǵyn úı kezeginde turǵan 56 otbasy kútýde. Merdigerlerdiń aıtýynsha, barlyq kommýnıkaııa ornatylady: jylý, jaryq, elektr, káriz júıeleri. Nysandy aǵymdaǵy jyldyń qazan aıynda tapsyrý josparlanyp otyr.

«Biz, «Nur Otan» partııasy frakııa­synyń depýtattary, osyndaı ny­sandardyń baqylaýyna erekshe na­zar aýdaratyn bolamyz, qurylys jumystarynyń barysymen únemi tanysyp, turǵyn úımen qamtamasyz etýdi baqylaımyz. Aqsý qalasy úlgisindegi jumysty elimizdiń basqa óńirlerde iske asyrǵany jón», – dedi Meıram Pishembaev.

Aıta ketý kerek, jeke turǵyn úı qurylysyn abattandyrý úshin qala bılikteri bul jerde joldardy salyp, shaǵyn jáne orta bıznesti damytý úshin kompanııalardy tartýdy josparlap otyr.

 

Ár qazaqstandyqtyń ómirine qatysty qujat

L.N.Gýmılev atyndaǵy Eýrazııa Ulttyq ýnıversıtetinde Prezıdenttiń Qazaqstan halqyna joldaýy talqylandy. Ýnıversıtet pen «Nur Otan» partııasynyń «Nur» bastaýysh partııa uıymy birlese uıymdastyrǵan sharada saıasat, ekonomıka, fılologııa salasynyń akademıkteri men sarapshylary, partııa men  kásipodaq ókilderi boı kórsetti.

«Prezıdent joldaýy – ár qazaq­standyqtyń ómirine qatysty qujat. Bul joldaý bizdi turaqtylyq pen damýǵa alyp keledi  Elbasy eldiń damýy ekonomıkaǵa tikeleı baılanysty ekenin basa aıtqan bolatyn. Tek básekege qabiletti memleketter bul álemde ózindik ornyn  ala alady», – dedi L.N.Gýmılev atyndaǵy EUÝ rektory, «Nur Otan» partııasynyń «Nur» fılıalynyń tóraǵasy Erlan Sydyqov.

Qazaqstandyq salalyq bilim jáne ǵylym qyzmetkerleri kásipodaǵynyń tóraıymy  Maıra Amantaeva óz sózinde Prezıdenttiń qoǵamdyq mıtıngter ótkizý máselesine qatysty ustanymyn qoldap, nátıjesinde bul reformalar halyq birligi men memlekettiń damýyna jol ashýy tıis ekenin atap ótti.

L.N.Gýmılev atyndaǵy Eýrazııa ulttyq ýnıversıtetiniń ekonomıka fakýlteti, týrızm kafedrasynyń meńgerýshisi Azamat Dúısenbaev Prezıdenttiń aıtyp ótken elimizdegi týrızmdi damytý taqyrybyn kóterdi. Ǵalym sondaı-aq shaǵyn jáne orta bıznes salasyndaǵy oń reformalar aldaǵy ýaqytta mindetti túrde óz jemisin ákeletinine senim bildirdi.

Ǵalymdar Joldaýda aıtylǵan basty máseleler men alǵa qoıylǵan mindetterdiń  zamanaýı memleket úshin ózekti ekenin atap ótti. Sarapshylar Prezıdent usynǵan «Halyq únine qulaq asatyn memleket» tujyrymdamasyn joǵary baǵalady jáne keri baılanystyń syndarly nysandary arqyly halyqpen jedel dıalog ótkizý qajettigin atap ótti.

Sońǵy jańalyqtar