3 Qyrkúıek, 19:12 407 0 Jańalyqtar Túrkistan Gazeti

Qasym-Jomart Toqaev EQYU-nyń joǵarǵy komıssary Lamberto Zanerdi qabyldady

Memleket basshysy Eýropadaǵy Qaýipsizdik jáne Yntymaqtastyq Uıymynyń Az ulttar isteri jónindegi joǵarǵy komıssary Lamberto Zanerdi qabyldady, dep habarlaıdy Aqordanyń baspasóz qyzmeti.

Kezdesý barysynda taraptar Qazaqstandaǵy qoǵamdyq-saıası ahýal, sonyń ishinde, etnosaralyq qatynastar salasyndaǵy memlekettik saıasatty qalyptastyrý men júzege asyrý máselelerin talqylady. Eýropadaǵy qaýipsizdik jáne yntymaqtastyq uıymynyń (EQYU) Az ulttar isteri jónindegi joǵarǵy komıssary Lamberto Zaner Joǵarǵy komıssar Keńsesi men Qazaqstan halqy Assambleıasynyń aǵymdaǵy jumystary jáne yntymaqtastyqtyń keleshegi týraly habardar etti. Qasym-Jomart Toqaev 2 qyrkúıek kúni Qazaqstan halqyna arnaǵan Joldaýynda belgilengen qoǵamnyń saıası transformaııasy boıynsha mindetterdiń negizinde Ulttyq qoǵamdyq senim keńesi iske kiriskenine nazar aýdardy. Áńgime barysynda memlekettiń qoǵamdyq damýyna jas azamattardy kóptep tartýǵa, olardyń belsendiligin arttyrýǵa baǵyttalǵan jastar saıasatynyń jańa qaǵıdattaryna erekshe mán berildi. Lamberto Zaner memlekettiń ult birligin nyǵaıtý jáne ár túrli etnostyq toptardyń tilderin damytýǵa jasalǵan jaǵdaıdy, etnosaralyq jáne dinaralyq kelisimniń qazaqstandyq modelin joǵary baǵalady.

Sondaı-aq, Memleket basshysy men Joǵarǵy komıssar EQYU jaýapkershilik aımaǵyndaǵy etnosaralyq qatynastar boıynsha qazirgi jaǵdaı týraly pikir almasty.

Sońǵy jańalyqtar