22 Tamyz, 19:45 336 0 Jańalyqtar Túrkistan Gazeti

Qytaıda qazaqstandyq ǵalymnyń kitaby jaryqqa shyqty

Álemdegi eń iri Pekın halyqaralyq kitap kórmesinde ál-Farabı atyndaǵy QazUÝ rektory, akademık Ǵalym Mutanovtyń «Ekonomıkalyq josparlaý, basqarý jáne bıýdjetteýdiń matematıkalyq ádisteri men modelderi» atty kitabynyń qytaı tilinde tusaý keseri ótti. Monografııa Jenmın ýnıversıtetindegi QHR-diń jetekshi baspasynda jaryq kórdi.

Bul sharaǵa QKP OK-niń nasıhattaý bóliminiń vıe-mınıstri zıan zıango, Jenmın ýnıversıtetiniń rektory Lıý Veı, QHR-daǵy QR Elshiliginiń birinshi hatshysy Qalamqas Dúzbaeva, QazUÝ rektory Ǵalym Mutanov, belgili ǵalymdar men mamandar qatysty.

«Biz professor Ǵalym Mutanovty Qazaqstannyń jetekshi joǵary oqý ornynyń basshysy retinde ǵana emes, álemge tanymal iri ǵalym retinde de bilemiz. Búgin tanystyrylyp otyrǵan onyń ǵylymı eńbegi birneshe tilde basylyp, halyqaralyq deńgeıde joǵary baǵa alǵan. Endi bul kitap qytaı tilinde jaryq kórip otyr. Onyń zertteýiniń ózektiligi, ınnovaııalyq tásili jáne kóp qyrlylyǵy ǵylymı qoǵamdastyq úshin ǵana emes, sonymen qatar Qytaıdyń praktıkteri men basshylary úshin de sózsiz úlken qyzyǵýshylyq týdyrady», – dep atap ótti Jenmın ýnıversıtetiniń rektory Lıý Veı. Qazaqstandyq ǵalymǵa ǵylymı jetistikteriniń tanylýynyń belgisi retide sertıfıkat tabystaldy.

Aıta ketý kerek, bul monografııa bir kezderi ekonomıka salasyndaǵy Nobel syılyǵynyń laýreaty Djon Neshtiń joǵary baǵasyna ıe bolǵan, ol zertteý nátıjelerin Nobel syılyǵynyń taǵy eki laýreaty Krıstofer Sıms pen Garold Kýnnyń jumystarymen salystyrǵan. Buǵan deıin ol álemdegi eń iri «Springer Nature» baspasynda jaryq kórip, eń kóp suranysqa ıe kitaptar qataryna kirgen. Ony elektrondy túrde 15 myńǵa jýyq paıdalanýshy júktegen, bul eń úzdik kórsetkishterdiń biri. Sonymen qatar Ǵ. Mutanovtyń ǵylymı eńbegi Web of Science Core Collection jetekshi ǵylymı jarııalanymdarynyń bedeldi halyqaralyq bazasyna engizildi.

1986 jyldan beri ótkizilip kele jatqan Pekın halyqaralyq kitap kórmesi búginde baspa jáne polıgrafııalyq ındýstrııa salasyndaǵy jetekshi platformaǵa aınaldy. Bıyl onyń jumysyna álemniń 100 elinen 2,5 myńnan astam eksponent qatysýda

Kórmede ál-Farabı atyndaǵy QazUÝ-dyń «Qazaq ýnıversıteti» baspa úıi tarapynan nazarǵa usynylǵan ýnıversıtet ǵalymdarynyń 300-den asa ǵylymı eńbekteri kópshiliktiń úlken qyzyǵýshylyǵyn týdyrdy.

Sońǵy jańalyqtar