22 Tamyz, 19:21 324 0 Jańalyqtar Túrkistan Gazeti

Magıstratýra testinde 25 úmitker óz ornyna basqa bireýdi kirgizbek bolǵan

Ulttyq testileý ortalyǵynyń dırektory mindetin atqarýshy Dıdar Smaǵulov osy jyldyń 10-15 tamyzy aralyǵynda magıstratýraǵa túsý úshin ótkizilgen keshendi testileýdiń qorytyndysyn jarııalady dep habarlaıdy QazAqparat tilshisi.

«Osy jyly magıstratýraǵa túsý proesi aıtarlyqtaı ózgeristermen tolyqty. Birinshiden, jańa format engizildi. Osy jylǵa deıin tek shet tili boıynsha testileý tapsyryp, ekinshi kezeńde JOO kafedralarynda beıini boıynsha birdeı qaǵıdattarǵa negizdelmegen estıhan tapsyratyn. Bul óz kezeńinde jurtshylyq, quqyqqorǵaý organdary tarapynan jemqorlyq táýekelderdiń bolýyna qatysty synǵa ushyraıtyn. Bıyl emtıhan barlyq úmitkerler úshin standartty túrde keshendi testileý formatynda ótti. Osylaısha, barlyq talapkerlerge birdeı suraqtardyń berilýine kepildik berip, bireýdi artyq kórý múmkindigin joqqa shyǵardyq. Ekinshiden, mınıstr Ashat Aımaǵambetovtiń buıryǵymen alǵash ret testileý ótkizý erejelerin qamtamasyz etý úshin Sybaılas jemqorlyqqa qarsy is-qımyl agenttiginiń qyzmetkerleri men arnaıy monıtorıngtik toptardyń ókilderi, sondaı-aq BAQ ókilderi, belsendi azamattar baqylaýshy retinde tartyldy», - dedi Dıdar Smaǵulov búgin Ortalyq kommýnıkaııalar qyzmetinde ótken baspasóz máslıhatynda.

Onyń aıtýyna qaraǵanda, test tapsyrý proesi barlyq 27 pýnktte ashyq jáne shynaıy ótkizilgen.

«Bul nátıjesin berdi. Keshendi testileýge qatysý úshin 30 579 ótinish qabyldandy. Alaıda, testileýge 28 131 adam qatysty. 2500 jýyq úmitker test tapsyrýǵa kelmedi. Biz muny kúsheıtilgen baqylaý jumysymen baılanystyramyz. Demek, kóptegen adam kóshirýdiń múmkin emes ekenin túsingen. Sonymen qatar, 1 myńnan astam úmitker emtıhan kezinde kóshirip, tyıym salynǵan zattardy paıdalanýǵa tyrysqan. Osylaısha, 1021 nátıje joıyldy. Bul talapkerler tipti aqyly negizde oqýǵa túse almaıdy», - dedi Dıdar Smaǵulov.

Ortalyq basshysy atap ótkendeı, emtıhan kezinde bógde adamdar da anyqtalǵan. 25 adam óziniń ornyna basqa adamdy emtıhanǵa kirgizýge tyrysqan.

«Árbir fakti boıynsha aqparat IIM-ge joldandy. Áleýmettik jelilerde alaıaqtyqqa jol bergen osyndaı azamattardyń biri Ishki ister mınıstrliginiń akademııasynyń mórin qoldan jasaǵan Aqtóbe oblysynyń polıııa qyzmetkeri ekeni jazyldy. Bul fakti boıynsha da biz quqyqqorǵaý organdaryna tıisti shara qoldaný úshin júgindik. Jalpy, 21 myńnan astam asa tyıym salynǵan zattar tárkilendi. Árıne, emtıhan tapsyrýshylardyń kóbi ol zattardy óz erkimen tapsyrdy», - dedi ol.

Dıdar Smaǵulov óz sózinde atap ótkendeı, L.Gýmılev atyndaǵy Eýrazııa ulttyq ýnıversıtetinde emtıhan kezinde bir boıjetken tekserýshilerdi aldamaq bolyp, tekserýden tórt ret ótken. Aqyry, ol shpargalka paıdalanǵany úshin aýdıtorııadan shyǵarylǵan. «Shyn máninde, barlyǵy sonshalyqty jaman emes. 12853 úmitker memlekettik bilim berý grantyna qatysýǵa múmkindik aldy. Biz bul úmitkerlerdiń tyıym salynǵan zattardy paıdalanbaǵanyna, úlken daıyndyqpen óz bilimderine senip kelgenine senimdimiz. Bul – memleket esebinen tegin bilim alýǵa laıyqty parasatty jandar. Olardyń kóbi sol granttardy alady. Óıtkeni, barlyq granttar sany sany - 12809», - dedi Dıdar Smaǵulov.

Sońǵy jańalyqtar