22 Tamyz, 19:13 340 0 Jańalyqtar Túrkistan Gazeti

Marat Tájın «Rýhanı jańǵyrý» jónindegi ulttyq komıssııanyń otyrysyn ótkizdi

Aqordada Qazaqstan Respýblıkasynyń Memlekettik hatshysy Marat Tájınniń tóraǵalyǵymen «Rýhanı jańǵyrý» baǵdarlamasyn iske asyrý jónindegi ulttyq komıssııanyń otyrysy ótti. Bul týraly QazAqparat tilshisi habarlady.

Onda baǵdarlamany iske asyrýdyń eki jarym jyl ishindegi qorytyndylary qaraldy jáne aldaǵy kezeńniń mindetteri talqylandy.

Otyrysty ashqan Memlekettik hatshy Marat Tájın Baǵdarlamanyń barlyq baǵyttary boıynsha aýqymdy jumys júrgizilgenin atap ótti.

Qazaq tili álipbıin latyn grafıkasyna kóshirý jumystary úkimettiń kezeńdik is-sharalar josparyna sáıkes jalǵasýda. Orfografııalyq, Ádistemelik, Termınologııalyq jáne Aqparattyq jumys jónindegi 4 top jumys isteıdi.

«Jańa gýmanıtarlyq bilim» jobasy boıynsha   Cambridge University Press, Oxford University Press jáne basqa da iri halyqaralyq baspalarmen yntymaqtasa otyryp, fılosofııa, saıasattaný, dúnıejúzilik tarıh, ekonomıka, ádebıet teorııasy, halyqaralyq quqyq, orıentalıstıka, pedagogıka jáne basqa da ǵylymdar boıynsha 48 oqýlyq qazaq tiline aýdarylyp, shyǵaryldy. Bul jumysqa joǵary oqý oryndarynyń bilikti oqytýshylarynan, redaktorlardan, aýdarmashylar men lıngvıstterden quralǵan 300-den astam maman qatysty. Oqýlyqtar elimizdiń 113 joǵary oqý orynyna jetkizildi jáne oqytýshylar men stýdentterdiń joǵary baǵasyna ıe bolýda. Olardyń elektrondyq nusqalary erkin oqý úshin «Qazaqstannyń ashyq ýnıversıteti» portalynda ornalastyryldy.

«Týǵan jer» jobasy  boıynsha 10 myńnan asa meenattyń qatysýymen  1800 mádenıet, bilim, sport nysany jańadan salynyp, 1,5 myń nysan qaıta qalypqa keltirildi.

«Jahandyq álemdegi zamanaýı qazaqstandyq mádenıet» jobasy boıynsha tarıhymyzda tuńǵysh ret Qazaqstandyq poezııa men proza antologııasy BUU-nyń 6 tiline aýdarylyp, jaryqqa shyǵaryldy, onyń halyqaralyq tanystyrylymy qyrkúıek aıynda bastalady.

«Qazaqstannyń kıeli geografııasy» jobasy boıynsha 28 tarıhı nysan qaıta qalypqa keltirilip, aýqymdy ǵylymı-zertteý jumysy júrgizildi. «Otyrar» jáne «Tamǵaly» vızıt ortalyqtarynyń qurylysy aıaqtalýda. Tarıhı-mádenı mura nysandaryn qorǵaý jáne paıdalaný týraly zańnamalar jetildirilýde. BBC World News, «Euronews» telearnalarymen yntymaqtastyqta Qazaqstannyń kıeli nysandary týraly derekti fılmder ıkli túsirildi.

Qazaqstandyq qoǵamdyq damý ınstıtýty jáne óńirlerde jobalyq ofıster quryldy.

Mádenıet jáne sport mınıstrligimen mádenıet salasyndaǵy meenattyqty yntalandyrý jónindegi usynystar daıyndaldy. Bilim jáne ǵylym mınıstrligi volonterlik qyzmeti úshin stýdentterdi materıaldyq yntalandyrýdyń tetikterin ázirledi.

4-6 qyrkúıekte Qazaqstan elordasynda Azııa qalamgerleriniń birinshi Forýmy ótedi, oǵan qyryqqa jýyq eldiń tanymal aqyn-jazýshylary qatysady.

Tamyz aıynyń sońynda «Mýzeıdegi tún» jobasy iske qosylady, onda qazaqstandyqtar ár aıdyń tórtinshi senbisinde saǵat 21-den 3-ke deıin eldi mekendegimýzeılerdiń birin tegin aralaı alady.

Jańa televızııalyq maýsymda respýblıkalyq efırge mádenıettanýshylyq sıpattaǵy radıo jáne televızııalyq baǵdarlamalar ıkli efırge shyǵady.  Halyqty latyn grafıkasyndaǵy jańa álipbıge oqytýǵa baǵyttalǵan beınerolıkter men beıne lekııalar telearnalar efırlerine shyǵarylady, sondaı-aq ınternetke ornalastyrylady. Klassıkalyq mýzykany baǵalaýshylardyń súıiktisine aınalǵan «Klassık» radıosynyń taratý aýmaǵyn keńeıtý josparlanýda.

2020 jyl Volonterler jyly dep jarııalandy. Osyǵan baılanysty Memlekettik hatshy Marat Tájınmemlekettik organdarǵa stýdentterdiń qoǵamdyq paıdaly qyzmetine qoldaý kórsetý sharalaryn qabyldaýdy jedeldetýdi tapsyrdy.

Otyrysta Prezıdent Ákimshiligi basshysynyń orynbasary Málik Mýrzalın, Aqparat jáne qoǵamdyq damý mınıstri Dáýren Abaev, Mádenıet jáne sport mınıstri Aqtoty Raıymqulova, Bilim jáne ǵylym vıe-mınıstri Fatıma Jaqypova sóz sóıledi.

Sońǵy jańalyqtar