22 Tamyz, 18:15 309 0 Jańalyqtar Túrkistan Gazeti

Nur-Sultan qalasynda 200 pedagog jetispeıdi

Astanada pedagogtar jetispeýshiligi máselesin sheshý úshin qosymsha granttar bólinedi, dep habarlaıdy QazAqparat tilshisi.

«Elordada shamamen 200 pedagog jetispeıdi. Bul ıfrdy qysqartý úshin jáne muǵalimderdiń biliktiligin arttyrý úshin jumys istep jatyrmyz. Máselen, pedagogıkalyq quramdy ázirleý úshin myńnan astam grant bóldik», - dedi elorda ákimi Altaı Kólginov Qazmedıa ortalyǵynda ótken QR BǴM plenarlyq otyrysynda.

Onyń aıtýynsha, bul túlekter úsh-tórt jyldan keıin pedagogtar qataryn tolyqtyrady. Sonymen birge, astana ákimdigi men Nazarbaev zııatkerlik mektepteri arasynda pedagogtardyń biliktiligin kóterý boıynsha ýaǵdalastyq bar.

«Gýmanıtarlyq kolledj bazasynda kolledjder men ýnıversıtetterdiń úzdiksiz bilim berý júıesi qurylǵan. Bul jyl saıyn jańa formattaǵy myńnan astam oqytýshyny ázirlep shyǵarýǵa múmkindik beredi. Onyń ústine, ózge eldermen seriktestik arqyly Fınlıandııa, Malaızııa, Qytaı, Reseı syndy memleketterdiń oqytý tájirıbesin úırene alamyz», - dedi Altaı Kólginov.

Sońǵy jańalyqtar