22 Tamyz, 17:56 292 0 Sport Túrkistan Gazeti

Tokıo-2020 Olımpıadasy qarsańynda yntymaqtastyq týraly memorandýmǵa qol qoıdy

Qazaqstan Respýblıkasy Aqparat jáne qoǵamdyq damý mınıstrligi, «Qazaqstan Respýblıkasynyń Ulttyq Olımpıada komıteti» qoǵamdyq birlestigi jáne «Qazaqstan Respýblıkasynyń Ulttyq Paralımpıada Komıteti» qoǵamdyq birlestigi arasynda Tokıo-2020 Olımpıada oıyndary men Tokıo-2020 Paralımpıada oıyndary qarsańynda jáne onyń barysynda yntymaqtastyq týraly memorandýmǵa qol qoıyldy. Bul týraly Olympic.kz habarlady. 

Memorandýmǵa vıe-mınıstr Maýberlınova Nurgúl Óserbaıqyzy, «Qazaqstan Respýblıkasynyń Ulttyq Olımpıadalyq Komıteti» qoǵamdyq birlestiginiń Bas hatshysy Musaıbekov Sáken Júnisbekuly, «Qazaqstan Respýblıkasynyń Ulttyq Paralımpıadalyq Komıteti» qoǵamdyq birlestiginiń atqarýshy dırektory Súleımenov Erlan Muratuly qol qoıdy.

Memorandým aıasyndaǵy yntymaqtastyqtyń maqsaty – Tokıo-2020 Olımpıadasy men Tokıo-2020 Paralımpıada oıyndarynyń qarsańynda jáne barysynda Olımpıadalyq jáne Paralımpıadalyq qozǵalys qaǵıdattaryn keńinen nasıhattaý, Qazaqstan Respýblıkasyndaǵy joǵary jetistikter men buqaralyq sport túrlerin damytý.

Aqparat jáne qoǵamdyq damý vıe-mınıstri Nurgúl Maýberlınova óziniń quttyqtaý sózinde memorandýmnyń jáne aldaǵy Olımpıada oıyndarynyń mańyzdylyǵyn atap ótti.

«Olımpıada oıyndary - bul úlken jahandyq mereke. Ol, árıne, sportty jáne salaýatty ómir saltyn nasıhattaýǵa úlken úles qosyp qana qoımaıdy, sonymen qatar, Olımpıadalyq trıbýnadan kóterilgen sportshylardyń elderine ımıdjdik dıvıdendter alyp keledi. Otandyq sportshylar búkil álemdi moıyndatqan kezder, Qazaqstan týraly úlken qurmetpen jazylǵan dańqty jazbalar áli esimizde. Sondyqtan bizdiń mınıstrlik sportshylarymyzdyń oıyndaryn aqparattyq qamtamasyz etýge jáne olardyń Olımpıada lıenzııalary úshin kúresýine árdaıym óz úlesin qosady».

«Bir jyl ýaqyttan keıin Tokıoda jazǵy Olımpıada Oıyndary bastalady. Ulttyq Olımpıadalyq Komıtettiń prezıdenti Tımýr Asqaruly Qulybaevtyń tapsyrmasy boıynsha qazirgi tańda olımpıadaǵa qyzý daıyndyq júrip jatyr. Sportshylarymyz lıenzııalaryn alý úshin baryn salyp jatyr. Olardyń jarystarǵa qatysyp, joldamalarǵa kúres barysyn halyqqa jetkizý mańyzdy. Osy oraıda Mınıstrlikpen aqparattyq qoldaý týraly Memorandýmǵa qol qoıyp otyrǵanymyzǵa óte qýanyshtymyz», - dedi Qazaqstan Respýblıkasy Ulttyq Olımpıadalyq komıtetiniń bas hatshysy Sáken Musaıbekov.

«Qazaqstan Respýblıkasynyń Ulttyq Paralımpıadalyq Komıteti» qoǵamdyq birlestiginiń atqarýshy dırektory Erlan Súleımenov:

«Aqparat jáne qoǵamdyq damý mınıstrligine Qazaqstandaǵy paralımpıadalyq qozǵalysty halyq arasynda keńirek tanytyp, parasportshylarymyzdyń bıik jetistikterimen bólisip, tanytý múmkindigi úshin úlken alǵys bildiremiz.  Mundaı birlesken joba alǵash ret júzege asyrylýda jáne osyndaı dárejedegi jobaǵa Ulttyq Paralımpıadalyq komıtettiń shaqyrylǵanyna qýanyshtymyz.  Tokıoda ótetin Paralımpıadalyq oıyndardyń teledıdarlyq translıaııasy bolaryna úmittimiz, sebebi bizdiń elimizdiń tarıhynda ol buryn sońdy bolmaǵan jaǵdaı».

Sońǵy jańalyqtar