22 Tamyz 2019, 16:41 523 0 Jańalyqtar Túrkistan Gazeti

Elorda ákimi eki mekteptegi qurylys barysymen tanysty

Elordada oqýshylar ornynyń tapshylyǵyn sheshý úshin 3 jańa mektep pen 5 qosymsha qurylys paıdalanýǵa beriledi. Qala ákimi Altaı Kólginov «Kóktal-2» turǵyn úı alabyndaǵy eki qosymshasynyń  qurylysy barysymen tanysty. Bul týraly qala ákimdiginiń resmı saıty habarlady.

Sonymen, № 68 mekteptiń jańa ǵımaraty úsh aýysymdy oqytý máselesin sheshýge kómektesedi. Qosymsha qurylys 500 orynǵa eseptelgen. Ǵımaratta keń synyptar, ashana jáne sport zaly bolady. Balalar jańa korpýsta oqý jylynyń basynan bastap aınalysa alady dep josparlanýda. Tek sport zaly eden jabynynyń jumysyna baılanysty keıinirek tapsyrylady. Mektep ǵımaratynyń ózi 2011 jyly 800 oqýshy ornyna salyndy.

Sonymen qatar qala ákimi №40 mekteptiń qosymshasynyń qurylysy barysymen tanysty. Jańa korpýs 800 orynǵa eseptelgen, mektep ǵımaratynyń ózi – 700 orynǵa eseptelgen. Paıdalanýǵa oqý jylynyń sońynda beriledi. Mektepter jıhazdarmen jáne tehnıkalyq jabdyqtarmen qamtylǵan.

A. Kólginov atap ótkendeı, oqý jylynyń basynda mektep terrıtorııasyn abbattandyrý qajet. 5 jyldyq kezeńde jınaqy qurylys boıynsha keshendi jospar aıasynda elordada 37 jańa mektep salý josparlanǵan. Qalada 108 mektep bar, 162 myń oqýshy oqıdy. Qyrkúıek aıynda birinshi synypqa taǵy 24 myń bala barady dep kútilýde.

Sońǵy jańalyqtar