22 Tamyz, 15:16 377 0 Ishki saıasat Túrkistan Gazeti

Memleket basshysy Talǵat Temenovti qabyldady

Memleket basshysy Qasym-Jomart Toqaev Q.Qýanyshbaev atyndaǵy qazaq drama teatrynyń kórkemdik jetekshisi Talǵat Temenovti qabyldady. Bul týraly Aqordanyń baspasóz qyzmeti habarlady.

Kezdesý barysynda elimizdegi teatr ónerin damytý máseleleri talqylandy.

Qasym-Jomart Toqaevqa elordadaǵy Qazaq memlekettik akademııalyq mýzykalyq drama teatrynyń jańa ǵımaratyn salý jumystary boıynsha aqparat berildi.

Belgili teatr jáne kıno rejısseri Talǵat Temenov bolashaqta mádenıet jylyn jarııalaý, jas akterlerdiń áleýmettik jaǵdaıyn jaqsartý, baspanamen qamtý máseleleri boıynsha birqatar usynystar aıtty.

Prezıdent Qasym-Jomart Toqaev halyqtyń rýhanı suranysyn qamtamasyz etýde ónerdiń, sonyń ishinde teatrdyń mańyzyn atap ótip, aldaǵy ýaqytta mádenıetke, teatr men kınoǵa memleket tarapynan tıisti deńgeıde kóńil bólý jalǵasa beretinin aıtty.

Sońǵy jańalyqtar