22 Tamyz, 15:30 323 0 Áleýmet "Túrkistan" gazetiniń avtorlary

Bıyl 118 myń turǵyn úı salý josparlanǵan

Jýyrda Qazaqstan Prezıdenti Qasym-Jomart Toqaev «Báıterek» ulttyq basqarýshy holdıngi» AQ basqarma tóraǵasy Aıdar Áriphanovty qabyldady. Kezdesýde «Báıterek» holdınginiń «Nurly jol» jáne «Nurly jer» memlekettik baǵdarlamalaryn qarjylandyrýǵa qatysýy týraly áńgime boldy.

Sondaı-aq, Aıdar Áriphanov áleý­met­tik jaǵdaıy tómen toptaǵy azamattarǵa ar­nalǵan qoljetimdi turǵyn úı qury­lysy, ShOB-ty qoldaý, eldiń eksporttyq áleýetin jáne «qarapaıym zattar» eko­nomıkasyn damytý, Qazaqstannyń Damý Banki jelisi boıynsha iri jobalardy júzege asyrý jónindegi holdıngtiń at­qarǵan jumystary týraly maǵlumat berdi.

Statıstıkalyq derekterge súıensek, Qa­zaqstanda qurylys jumystary 6,9 paıyzǵa ósken. Mamandar bul «Nurly jol» aıasynda ınfraqurylymdy engizýge baılanysty deıdi. Ulttyq ekonomıka mınıstrliginiń ókilderi 2020 jylǵa qaraı 4,5 mıllıon sharshy metr turǵyn úıdi iske qosý kózdelip otyrǵanyn aıtqan edi.

QR Premer-mınıstri A.Mamınniń tóraǵalyǵymen shilde sońynda ótken Úkimet otyrysynda «Nurly jer» baǵdar­la­masyn iske asyrý barysy qaraldy. QR ındýstrııa jáne ınfraqurylymdyq damý mınıstri Roman Sklıar osy jyly 6 aı ishinde turǵyn úı qurylysyna 605,7 mlrd teńge ınvestıııa tartylǵanyn, bul 2018 jylǵy deńgeıden 15,5 paıyzǵa joǵary ekenin aıtty.

«Osy jyldyń sońyna deıin 118 myń turǵyn úı salýdy josparladyq. Jarty jyldyq qorytyndy boıynsha 48 925 turǵyn úı berildi. Turǵyn úıdi ýaqtyly berý úshin qurylys alańdaryna ınje­ner­lik kommýnıkaııa júrgizýge 81,7 mlrd teńge qarastyrylǵan», – dedi R.Sklıar.

Jarty jyldyq qorytyndy negizinde qarjylandyrý jospary boıynsha óńirlerge 36,8 mlrd teńge aýdaryldy, onyń 35,8 mlrd teńgesi nemese 96,1% ıgerildi. Kóp balaly otbasylar úshin jalǵa beriletin turǵyn úı salýǵa jáne satyp alýǵa 50 mlrd teńge qarastyryldy. Qarjylandyrý jospary boıynsha óńirlerge 9,7 mlrd teńge aýdaryldy, onyń 9,6 mlrd teńgesi nemese 99,6% ıgerildi. Barlyq kózderden 7482 páter berý josparlanýda. Mamyr aıynan bastap 1619 kóp balaly otbasyna turǵyn úı berildi. Sonymen qatar R.Sklıar jumys isteıtin jastardyń eńbek utqyrlyǵyn qamtamasyz etý úshin Nur-Sultan, Almaty jáne Shymkent qalalarynda 2019-2021 jyldary jylyna 1 myń jaldamaly páter salý josparlanǵanyn atap ótti. Az qamtamasyz etilgen otbasylardy jyldyq 2% jeńildikpen nesıelendirý aıa­syn­da «Turǵynúı qurylys jınaq bankine» 50 mlrd teńge bólindi. Óńirler arasyndaǵy nesıe berý lımıtteri kezektegiler sanyna barabar anyqtalǵan. 15 shildede bank tólem qabilettiligin aldyn ala baǵalaý boıynsha kezekte turǵandardan ótinish qabyldaýdy bastady. Qaraýǵa 9,9 mlrd teńge somasyna 920 ótinish tústi. Nesıe berýge 1 mlrd teńgege 91 ótinim maqul­dan­dy. Elbasynyń tapsyrmalaryn iske asyrý aıasynda «Nurly jer» baǵdar­la­masyn ázirleýde turǵyndardy jylýmen, sý­men jabdyqtaý jáne sý burý, kom­mý­naldyq sektordy jańǵyrtý jáne úılerdi jóndeý máseleleri boıynsha jumystar júrgizilip jatyr. Búginde qoldanystaǵy jáne jańa is-sharalardy qarjylandyrý tetikteri pysyqtalýda. Jyl sońyna deıin «Nurly jer» baǵdarlamasynyń jańa redakııasyn bekitý josparlanýda.

Sońǵy jańalyqtar