22 Tamyz, 13:37 299 0 Qaýipsizdik Túrkistan Gazeti

Ulttyq keńestiń alǵashqy resmı jıyny 6 qyrkúıekte ótedi

Bıyl  17 shildede Memleket basshysynyń jarlyǵymen Ulttyq qoǵamdyq senim keńesiniń erejesi men quramy bekitilgeni belgili. Keńestiń alǵashqy otyrysy 6 qyrkúıekke  josparlanyp otyr. Bul týraly QR Prezıdentiniń keńesshisi, Ulttyq keńes hatshysy Erlan Qarın bylaı dep málimdedi: «Memleket basshysynyń qatysýymen Ulttyq qoǵamdyq senim keńesiniń alǵashqy otyrysy shamamen 6 qyrkúıekte ótedi. Qazirgi ýaqytta alǵashqy keńeıtilgen otyrysqa qyzý daıyndyq júrgizilip jatyr».

E.Qarınniń aıtýynsha, osy jyldyń shilde men tamyz aılarynda Almaty jáne Nur-Sultan qalalarynda Ulttyq keńeske múshelikke engen azamattarmen kezdesý ótkizilgen. Sondaı-aq, talqylaý barysynda Ulttyq qoǵamdyq senim keńesiniń alǵashqy otyrysynyń aldynda uıymdastyrýshylyq jıyndy ótkizý kelisilgen.

«Ishki suraqtardy - Ulttyq keńes jumysynyń jalpy reglamentin, jumys toptaryn qurý máseleleri men quramyn talqylaý úshin aldyn ala jıyn ótedi. Uıymdastyrýshylyq jıyn 28 tamyzǵa josparlanǵan», – dep túsindirdi Prezıdent keńesshisi.

«Túrkistan-aqparat»

 

Sońǵy jańalyqtar