22 Tamyz, 13:32 316 0 Jańalyqtar "Túrkistan" gazetiniń avtorlary

Jastardyń ulttyq rýh ımperatıvi

Qazirgi kúni otandyq bilim berý isiniń aldynda, ásirese ony jetildirip damytýda óte aýqymdy da qomaqty máselelerdiń turǵany málim. Ásirese,  qazaqstandyq gýmanıtarlyq ǵylym salasynda, onyń ishinde qazaq rýhanııatyn damytý máselesinde túıini sheshilmeı kele jatqan máselelerimiz kóp. Osy rette, Elbasynyń: «Adam keshegisimen, qazirgisimen jáne keleshegimen ómir súredi», — degen oryndy toqtamyn aıtsaq ta jetkilikti.

Tarıhtaǵy talaı ımperııa ulttyq rýhy kó­te­rilgende irgeli memleketke aınalǵan, sonan aırylǵanda ishinen ydyrap, bereketsizdikke urynyp, pendeshildikke salynyp álsiregen, sonda syrtynan kelgen uıym­shyl jaý kúıretkenin búgingi álemdik tájirıbe dá­lel­deýde. Elbasymyz N.Á. Na­zarbaev kóregendik tanytyp, shashylǵan mádenı mura­la­rymyzdy jınaýǵa qam­qor­lyq jasap, Máńgilik el bolý úshin Rýhanı jańǵyrýdy jolǵa qoıǵanda rýh, rý­ha­nııattylyq máselesin tııa­naq­ty  túsiný, solarǵa sáıkes mándi is bastaýǵa muryndyq boldy.

Elbasynyń qazaq elin Máń­gilik el qataryna qosý úshin de buryn bastaǵan «Mádenı mura», qazir jalǵas­ty­ryp jatqan «Rýhanı jań­ǵyrý» baǵdarlamalary qazaq ultynyń rýhyn kóterýge arnalǵan. Bul keler urpa­ǵy­myzdyń álemniń ozyq elderi ókilderimen ózderin teń sezinýdiń irgetasyn turǵyzý bolyp tabylady.

Esimizde, 2018 jyldyń 12 sáýirindegi Nur-Sultan (As­ta­na) qalasyndaǵy arnaýly zııalylar basqosýynda «Rýhanı jańǵyrý» baǵdarla­ma­sy aıasynda iske asyrylyp jatqan aýdarma isiniń al­ǵash­qy nátıjelerimen tanystyrǵan Elimizdiń tuń­ǵysh Prezıdenti: «Jastarymyz joǵary ǵylymı stan­dart­tarǵa sáıkes bilim alýy tıis», — dep málimdegen bolatyn. Sol Elbasynyń álemdik bilim berý sala­syn­daǵy tańdaýly týyndylardy aýdarý arqyly búgingi jas­tar­ǵa zamanaýı tehnologııa talaptaryna saı bilim alýǵa múmkindik týǵyzý turǵydaǵy syndarly saıasaty qarqyndy deńgeıde júzege asyrylýda. Bıylǵy oqý jylynda taǵy da 30 oqýlyq bilim berý aınalymyna engizildi. Oqý­lyq­tardyń tili uǵynyqty, taldamgerlik tustary oı ushqyrlyǵyn jetildirýge septigin tıgizip jatqanyna kýámiz jáne ony óz tájirı­be­mizden baıqaımyz. Bul búgingi bilim alýshy jas ma­mandarǵa kásibı shyńdalý úderisinde mańyzdy maǵlumat  bolatyny anyq. Demek, oqýlyqtarda mysaldar arqyly taldaý jasaı otyryp, oqyrman nazaryn onyń kúrdeli álemine enýge jol ashady. Osy arqyly jas mamannyń ıntýıııasyn jetildirýge baǵyt silteı oty­ryp, onyń kásibı fýnk­ıonaldyq saýatyn ashýǵa tyrysady.

Osy rette, Ulttyq aýdarma bıýrosynyń 2019-2020 oqý jyldary qarsańynda joǵary bilim berýdiń oqý baǵ­dar­lamalaryndaǵy jańar­tylǵan tehnologııaǵa sáıkes uzaq merzimge arnal­ǵan is-sharalaryna kýá bolǵanymyzdy aıtpaqpyz. Máselen, ústimizdegi jyldyń shilde aıynyń 7-13 ara­ly­ǵynda kóptegen pánder boıyn­sha onlaın-dárister oqylyp, qashyqtyqtan ba­qy­laý tapsyrmalary ázir­le­nip, testik baqylaý suraq­tarynyń bazasyn jasaýǵa qatystyq.

Sonymen birge, «100 oqý­lyq» baǵdarlamasy aıasynda aýdarylǵan oqýlyqtardyń onlaın-dáristeri boıynsha test-suraqtardyń júıesin qalyptastyrýǵa qatysqan mamandardyń qatarynda boldyq.

Qoryta aıtqanda osy­nyń bári ulttyq bilikti mamandy qalyptastyrýdaǵy, bilim berý salasyn ıfrlandyrý, ony bilim alýshyǵa ıkemdi de tıimdi etý amaldary deýge bolady. Saıyp kelgende rýhy myqty ıntellektýaldy ultty qalyp­tas­tyrý jolyndaǵy izgilikti shara dep bilemiz.

 

Dáýletbek Raev,

Abylaı han atyndaǵy Halyqaralyq

Qatynastar jáne álem tilderi ýnıversıteti

professory, fılosofııa ǵylymdarynyń

doktory 

 

Sońǵy jańalyqtar