21 Tamyz, 10:26 384 0 Poezııa Túrkistan International Political Weekly

Elordada kitap festıvali ótedi

«BAURZHAN» jeke qory men «ABAYbooks» baspa úıi Nur-Sultan qalasy ákimdigi «Astana jastary» memlekettik kommýnaldyq mekemesiniń qoldaýymen «KITAP FEST» kitap festıvalin ótkizedi.

«KITAP FEST»  Almaty qalasynda 5 jyl qatarynan uıymdastyryldy. Osy ýaqyt aralyǵynda festıval shaǵyn kitap almasý dástúrinen qalanyń aýqymdy mádenı-tanymdyq is-sharasyna aınalyp, halyqtyń yqylasyna bólenip úlgerdi. Jyl saıyn kitap festıvali myńdaǵan kitapsúıer qaýymdy, talantty aqyn-jazýshylar men tabysty blogerlerdi, qoǵam qaıratkerleri men belsendileriniń basyn biriktiredi.

5 jyl ishinde «KITAP FEST» alańynda avtorlar men baspa úıleriniń qatysýymen 130-dan astam kitaptyń tanystyrylymy ótti, qonaqtarǵa 20 myńǵa jýyq kitap syılandy, 70-ten asa kitap dúkeni jármeńkege qatysyp, 45 bloger ózderiniń súıikti kitaptarymen bólisti.

Aǵymdaǵy jyly festıval tuńǵysh ret Nur-Sultan qalasynyń kitapsúıer qaýymyn qýantpaq.

«KITAP FEST 2019» aıasynda birneshe is-shara josparlanǵan. Olar:

- «IBOOKYOU» kitap almasý dástúri. Bul - jeke kitaphanany túrli janrdaǵy kóptegen qyzyqty kitaptarmen tolyqtyrýdyń birden-bir múmkindigi.

- Jazýshylar alańy. Otandyq jazýshylar 2018-2019 jyldary jazǵan kitaptarynyń tanystyrylymyn ótkizedi. Shaqyrylǵan qonaqtar: tanymal pıanıst, Qazaqstannnyń Halyq ártisi Jánııa Áýbákirova, Eńbek sińirgen jýrnalıst, fılosofııa ǵylymdarynyń kandıdaty, zertteýshi Zıra Naýryzbaeva, aktrısa, «Tomırıs» tarıhı dramasyndaǵy basty róldi somdaýshy Almıra Tursyn, jýrnalıst, balalarǵa arnalǵan ertegiler jınaǵynyń avtory Gýljazıra Berikqyzy, jazýshy, prodıýser, rejısser, «100 jańa esim» jobasynyń jeńimpazy Aıdıe Aıdarbekov jáne t.b.

- «Kitap offlaın». Bul jerde oqyrmandar qoǵam qaıratkerlerimen, jýrnalıstermen, pikir kóshbasshylarymen, tabysty kásipkerlermen tanysyp, kitap taqyrybyndaǵy ózekti máselelerdi talqylaı alady. Shaqyrylǵan qonaqtardyń ishinde belgili blogerler Órken Kenjebek, Aına Dosmahambetqyzy jáne "Jeff Tailor" erlerge arnalǵan tigin atelesiniń ıesi Gaýhar Ótelbaeva, I Book You kitap portalynyń negizin qalaýshy Marına Sharıpova bar.

- Kitap jármeńkesi. Kitap dúkenderi, baspa úıler men ınternet dúkender óz ónimderiniń kórmesin usynady. Unaǵan ádebıetti satyp alý múmkindigi de qarastyrylǵan.

- Aqyn-jazýshylar men HH ǵasyrdyń basyndaǵy oqý ústindegi qazaqtardyń sırek fotolary qoıylatyn arhıvtik fotosýretter kórmesi.

- Balalarǵa arnalǵan oıyn-saýyq baǵdarlamasy.

Aqparat úshin: «BAURZHAN» jeke qory áleýmettik jobalardy júzege asyrýmen aınalysady. «KITAP FEST 2019» oqyrman mádenıetin qalyptastyrý, jazýshylar men oqyrmandarǵa biryńǵaı alań usyný, jastar men balalardyń kitapqa degen qyzyǵýshylyǵyn arttyrý syndy maqsattardy kózdeıdi.

Joba Nur-Sultan qalasy ákimdigi «Astana jastary» memlekettik kommýnaldyq mekemesiniń qoldaýymen júzege asyrylýda.

Sońǵy jańalyqtar