20 Tamyz, 20:58 316 0 Jańalyqtar Túrkistan Gazeti

Elimizdiń 2 oblysynda mamandandyrylǵan prokýratýra quryldy

Almaty jáne Shyǵys Qazaqstan oblystarynda mamandandyrylǵan prokýratýra quryldy, dep habarlaıdy QazAqparat Bas prokýratýranyń baspasóz qyzmetine silteme jasap.

QR Bas prokýratýry Ǵızat Nurdáýletovtyń tóraǵalyǵymen, Qaýipsizdik Keńesiniń Hatshysy Qalmuhanbet Qasymovtyń qatysýymen, quqyq qorǵaý jáne memlekettik organdardyń basshylary qylmystyq-atqarý júıesindegi zańdylyqtyń jaı-kúıi talqylandy. Bas Prokýror qabyldanǵan sharalarǵa qaramastan, QAJ mekemelerinde áli de bolsa sottalǵandardyń quqyqtaryn buzýǵa jol beriletinin atap ótti. Osyǵan oraı el Prezıdenti Bas prokýratýraǵa azaptaýlarǵa muqııat tekserý júrgizýdi, al IIM-ge túzeý mekemelerin jańǵyrtýdy jáne azamattyq baqylaýdy kúsheıtýdi tapsyrdy.

Úılestirý keńesi músheleriniń pikirinshe, jaǵdaıdy túzetý úshin keshendi sharalar, sonyń ishinde baraqtan kamerada ustaýǵa kóshý, medıınalyq bólimderdi kolonııalar ákimshilikteriniń baǵynysynan shyǵarý, sottalǵandardy bólý men aýystyrýdy avtomattandyrý, beınebaqylaý men tirkeýshilerdi ornatý, shaǵym berýge arnalǵan termınaldar jáne t. b. aıtyldy. Birqatar is-sharalar Bas prokýratýranyń qatysýymen ázirlengen ishki ister organdary men qylmystyq-atqarý júıesin reformalaý jónindegi jol kartalarynan turady. Prokýrorlyq tekserýler, quqyq qorǵaýshylardyń esepteri, sottalǵandardyń shaǵymdary kolonııalardaǵy azaptaýlardyń áli kúnge deıin oryn alyp otyrǵanyn kórsetedi. Óńirlerde prokýrorlar osy baǵdarlamalyq qujattardyń sapasy men iske asyrylý merzimderine turaqty qadaǵalaýdy qamtamasyz etedi.

Sonymen qatar, Bas Prokýror sottalǵandarǵa qatysty zorlyq-zombylyqtyń barlyq faktileri boıynsha qatań sharalar qabyldaýdy, kinálilerdiń, sonyń ishinde Almaty oblysynyń kolonııasyndaǵy azaptaýǵa qatysy bar barlyq kinálilerdiń jazadan qutylmaýlaryna qol jetkizýdi tapsyrdy.

Búgingi tańda prokýrorlar osyndaı faktiler boıynsha 23 qylmystyq isti sotqa joldady. Úılestirý keńesiniń qorytyndysy boıynsha qylmystyq jazalardyń oryndalý zańdylyǵyn qadaǵalaýdyń tıimdiligin arttyrý maqsatynda Almaty jáne Shyǵys Qazaqstan oblystarynda eki mamandandyrylǵan prokýratýra qurý týraly sheshim qabyldandy, onda kolonııalarda el boıynsha barlyq sottalǵandardyń shamamen 30%-y ustalady.

Sońǵy jańalyqtar