19 Tamyz, 19:01 252 0 Jańalyqtar Túrkistan Gazeti

Arys: Qalalyq aýrýhana óz jumysyn qaıta jalǵastyrdy

Arys qalalyq ortalyq aýrýhanasynda kúrdeli jóndeý jumystary aıaqtaldy. Apattan keıin tolyq jóndeýden ótken aýrýhanada zamanaýı «Trıaj júıesi» iske qosylyp, medıınalyq aqparattyq júıemen qamtyldy. Arnaıy qyzyl, sary, jasyl tústi baǵyttarǵa arnalǵan prınterlermen jabdyqtalyp, elektrondyq qoltańbalar ornatyldy. Bul týraly Egemen Qazaqstan habarlady. 

Jýyrda Arys qalasynda bolǵan Premer-mınıstr Asqar Mamın  qalalyq ortalyq aýrýhananyń jumysymen tanysyp, Túrkistan oblystyq qoǵamdyq densaýlyq basqarmasynyń basshysy Muqan Egizbaevtyń eńbegine joǵary baǵa berdi. Kúrdeli jóndeý jumystarynyń sapasyna asa mán bergen Úkimet basshysy, aýrýhananyń medıınalyq qondyrǵylarmen tolyq jabdyqtalǵanyn atap ótti. Qarqyndy da qajyrly eńbektiń arqasynda aıaqtalǵan aýqymdy istiń halyq ıgiligi úshin jasalǵanyn aıta kele, qyzmet kórsetý sapasyn da arttyrýdy tapsyrdy.

Aıta ketelik, Arys qalasynda tótenshe jaǵdaı saldarynan 1989 jyly salynǵan aýrýhana jartylaı zaqymdanyp, jarylý tolqynynan terezeler synǵan, shatyrdyń konstrýkııasy, ishki jáne syrtqy esikteri, úı-jaıdyń ishi búlingen bolatyn. Ásirese, medıınalyq qondyrǵylar qatty zaqymdanǵan-dy. Oblystyq qoǵamdyq densaýlyq basqarmasynyń uıymdastyrýymen barlyq qondyrǵylar arnaıy tekserýden ótip, qajettileri jańartylǵan qalalyq aýrýhana 200-den astam naýqasty qabyldaýǵa qaýqarly.

Sońǵy jańalyqtar