19 Tamyz, 12:46 249 0 Jańalyqtar Túrkistan Gazeti

Almatylyq úsh alpınıst «Jeńis» shyńynda qalyp qoıdy

Almatylyq úsh alpınıst Murat Ótebaev, Andreı Korneev jáne ókpe qabynýynan qaıtys bolǵan Aleksandr Chechýlın «Jeńis» shyńynda qalyp qoıdy, dep habarlaıdy QazAqparat tilshisi.

Joǵalǵan alpınısterdiń biriniń qyzy Aıgúl Mataı: «Olar 6600 metr bıiktikte qalyp qoıdy, tómen túsýge eshqandaı múmkindikteri joq» dep jazdy óziniń Instagram paraqshasynda.

«Aýa- raıynyń qolaısyzdyǵy men qajetti qural-jabdyqtardyń jetispeýinen alpınıster toby bazalyq lagerge ýaqytynda túse almady. Aman qalǵan Murat Ótepbaev pen Andreı Korneev eshkimmen baılanysa almaıdy», - dep jazdy Aıgúl. Onyń aıtýynsha, Qyrǵyzstan TJM qutqarýshylar toby MI-8 tikushaǵymen 6600 metr bıiktikke jaqyn aımaqtardy aınalyp ótti. Alaıda, aýa-raıynyń qolaısyzdyǵyna baılanysty izdeý jumystary toqtatyldy. Aıgúldiń aıtýynsha, búgin tańerteń ol bir top alpınıstermen birge Buryndaı áýejaıynan Almatyǵa ushpaqshy.

«Aýa-raıy qolaısyz bolǵandyqtan, qutqarý tobyn jaıaý jiberýge bolady. Azamattyq tikushaqtar bıiktiktegi shamadan tys qysymǵa tótep bere almaıdy. Dostar, qazaqstandyqtar, mundaı jaǵdaıda kómektesýlerińizdi suraımyz!. Biz ár kúnimizdi olardyń tiri ekenine degen úmitpen ótkizip kelemiz. Ákemniń joldastary, olardyń aman-esen úıge oralýyna kómektesińizder. Bizge altynshy sanattaǵy taýlarǵa shyǵý quqyǵy bar kásibı alpınıster qajet. Ózderińizben birge tólqujat nemese jeke kýálik bolýy kerek. Jol qıyn, biraq úmit bar. Qazirgi ýaqytta muzdyqta alpınıster joq. Men sonymen qatar Qyrǵyzstannyń eń tájirıbeli alpınısterine júginemin», - degen qyz óziniń baılanys nómirin qaldyrdy: 8 707 615 60 42.

Murat Ótepbaevtyń alpınızm boıynsha 13 jyldyq tájirıbesi bar. Alpi Azııa komandasynyń jattyqtyrýshysy, tórt balanyń ákesi. Óz kezeginde IIM TJK-i izdestirý jumystaryn QR Qorǵanys mınıstrligimen birge júrgizilip jatqandyǵyn atap ótti. «Tikushaqtar daıyn. Biz aýa-raıynyń jaqsarýyn kútemiz», - dedi QR IIM Tótenshe jaǵdaı ókilderi.

Sońǵy jańalyqtar