19 Tamyz, 12:35 933 0 Bilim Túrkistan Gazeti

2019-2020 oqý jylynyń kanıkýl kezeńderi bekitildi

Bilim jáne ǵylym mınıstrligi 2019-2020 oqý jylynyń kanıkýldar merzimin bekitti. Bul týraly Egemen Qazaqstan gazetiniń saıty habarlady.

Bilim jáne ǵylym mınıstriniń 2019 jylǵy 29 shildedegi № 337 buıryǵy boıynsha 2019 - 2020 oqý jylynyń bastalýy, uzaqtyǵy jáne kanıkýly kezeńderiniń merzimi bekitildi. Atalmysh buıryq menshik nysany men vedomstvolyq baǵynystylyǵyna qaramastan, orta bilim berý nysandarynyń barlyǵyna ortaq.

Qujat boıynsha, oqý jylynyń bastalýy 2019 jylǵy 1 qyrkúıekke saı keledi.

Oqý jylynyń uzaqtyǵy 1-synyptarda – 33 oqý aptasy, 2-11 (12)- synyptarda – 34 oqý aptasy.

«Meıram kúnderine túsken sabaqtar oqý baǵdarlamasy mazmunynyń kiriktirilýi eskerile otyryp, qaıtalaýǵa arnalǵan saǵattar esebinen kelesi jumys kúnderine aýystyrylady», - delingen mınıstr buıyrǵynda.

Oqý jyly barysyndaǵy kanıkýl kezeńderi tómendegideı:

1-11 (12) – synyptarda: kúzgi kanıkýl – 7 kúnge, ıaǵnı, 2019 jylǵy 28 qazan - 3 qarasha aralyǵyna josparlanǵan. Qysqy kanıkýl – 2019 jylǵy 30 jeltoqsan – 2020 jylǵy 8 qańtardy qosa alǵandaǵy 10 kúndi qamtymaq. Al kóktemgi – 2020 jylǵy 21 naýryz – 2 sáýir aralyǵyndaǵy13 kúnge belgilenip otyr.

Jańa oqý jylynda 1-synyp oqýshylaryna qosymsha kanıkýl qarastyrylǵan. 2020 jyldyń 3-9 aqpan arylǵynda qosymsha 7 kúndik demalys belgilengen.

Tegter Mektep oqý jyly

Sońǵy jańalyqtar