19 Tamyz, 12:35 304 0 Kólik Túrkistan International Political Weekly

Júrgizýshi kýáligin alý jeńildeıdi

Júrgizýshi kýáligin alatyn kólik ıeleri úshin medıınalyq tekseristen ótý reti jeńildeıdi. Bul jaıynda «Azamattarǵa arnalǵan úkimettiń» baspasóz qyzmeti habarlady.

«Azamattarǵa arnalǵan úkimet» kólik júrgizýge ruqsat beretin qujatty alý úshin talap etiletin 083 úlgisindegi medıınalyq anyqtamaǵa ózgerister engen.

«Budan bylaı júrgizýshi kýáligin rásimdeý barysyndaǵy medıınalyq komıssııa quramy 7 dárigerden 4-ke deıin qysqardy. Endi terapevt, okýlıst, otorınolarıngolog, psıhıatr-narkolog dárigerleriniń tekserisinen ótý jetkilikti. Sondaı-aq qan, dáret taldamasy, flıýrografııa, psıhoaktıvti zattardy qabyldaý boıynsha zerthanalyq analızderdi tapsyrý qajet emes», - delingen taratylǵan habarlamada.

Medıınalyq tekseris barysynda terapevt dáriger qandaıda aýrýlardyń bar/joǵyn «Dıspanserli naýqastardyń elektrondy tizilimi» aqparattyq júıesi, al psıhıatrııalyq nemese narkologııalyq dıspanserlerdiń esebinde turmaýy jónidegi aqparatty málimetter bazasy arqyly, sondaı-aq dıspanserlerdiń anyqtamasy negizinde teksere alady.

Aıta keteıik, búginde júrgizýshi kýáligin alý úshin medıınalyq anyqtama úsh jaǵdaıda talap etiledi: Júrgizýshi kýáligin birinshi ret rásimdeý barysynda; Júrgizýshi kýáliginiń merzimi ótip ketkende; Júrgizýshi kýáliginen aıyrylǵandar qujatty qaıta rásimdegende.

Jyl basynan beri 337 myń qazaqstandyq júrgizýshi kýáligin aldy.

 

Sońǵy jańalyqtar