19 Tamyz, 12:30 226 0 Jańalyqtar Túrkistan Gazeti

Sýdaǵy ekologııalyq qaýipsizdik sharalary kúsheıtildi

Jańa erejeler kemelerdiń júzýi saldarynan lastaný qaýpin azaıtý úshin teńizde júzýdiń ekologııalyq qaýipsizdigi sharalaryn kúsheıtýge baǵyttalǵan. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.

Qazirgi ýaqytta Kaspıı teńiziniń qazaqstandyq sektorynda saýda flotynyń 12 kemesi, júk kótergishtigi 5-13 myń tonnany quraıtyn jáne munaı ken oryndaryn ıgerý úshin teńiz operaııalaryn qoldaý flotyn qosa alǵanda, qazaqstan týyn kóterip júzetin 300-den astam keme jumys isteıdi. Budan basqa, turaqty negizde qazaqstandyq porttarǵa basqa Kaspıı mańy memleketteriniń 60-qa jýyq kemeleri kiredi.

Kaspıı teńiziniń qazaqstandyq sektorynda kemelerdi paıdalanýdyń qarqyndylyǵyn jáne tasymaldanatyn munaı men otynnyń kólemin eskere otyryp, elimizdiń aýmaqtyq teńizderinde kemelerden lastaný jáne soǵan sáıkes orny tolmas zalal keltirý qaýpi óte joǵary.

Osyǵan baılanysty, teńiz kemelerinen «nóldik» sarqyndy sýlardy shyǵarýdy qamtamasyz etý úshin QR IIDM basshysynyń buıryǵymen olardy boldyrmaý jónindegi erejeler bekitildi. Olar kemelerden lastanýdy boldyrmaý jónindegi halyqaralyq konvenııanyń (MARPOL konvenııasy) tehnıkalyq talaptaryn iske asyrýǵa baǵyttalǵan. Atap aıtqanda, teńizdiń lastanýyna alyp keletin keme bortynda operaııalar júrgizý tártibi anyqtalady, mysaly, kemege otyn quıý, júk bólikterin jýý, teńizge aǵyzylǵan sharýashylyq maqsattarynda jumsalǵan sarqyndy sýlardy súzý jáne shyǵarý.

Budan basqa, teńizge munaı, suıyq hımııalyq zattardy, sarqyndy sýlar men qoqystardy shyǵarýdy boldyrmaýǵa arnalǵan kemelerde arnaıy jabdyqtar men júıelerdiń bolýy jáne olardyń atqaratyn jumysy boıynsha talaptar belgilenedi.

Bul erejeler teńizdiń kemelerden lastaný táýekelin azaıtý jónindegi birizdendirilgen halyqaralyq talaptardyń saqtalýyn jáne tıisinshe sheteldik porttarda otandyq kemelerdiń olardy buzǵany úshin kidirýin boldyrmaýdy qamtamasyz etýge, sondaı-aq keme ıesi tarapynan teńiz ortasyn lastaý saldaryn joıýǵa arnalǵan shyǵyndardyń yqtımaldyǵyn tómendetýge múmkindik beredi.

Sońǵy jańalyqtar