15 Tamyz, 16:40 313 0 Sport Túrkistan Gazeti

Áıelder kúresinen álem chempıonatyna qatysatyn balýandar anyqtaldy

Áıelder kúresinen Qazaqstan komandasy Sochı qalasynda oqý-jattyǵý jıyndaryn ótkizýde. Bas bapker Nurlan Amanqosovtyń aıtýynsha, álem chempıonatyna qatysatyn quramnyń 90 paıyzy anyqtaldy, dep habarlaıdy Olympic.kz.

«Bul kúnderi Sochı qalasynda Reseı, Vengrııa, Estonııa jáne Fınlıandııa quramalarymen birlesken oqý-jattyǵý jıynyn ótkizip jatyrmyz. Daıyndyq jaqsy qarqynmen bastaldy. Álemdik syn qarsańyndaǵy sońǵy jıyndy elde ótkizemiz. Nur-Sultandaǵy álemdik synǵa qatysatyn quramnyń 90 paıyzy anyqtaldy. Tek 53 kelide kimniń kilemge shyǵatynyn sheshken joqpyz. Osy jıynnan soń naqty belgili bolady», - dedi bas bapker.

Áıelder kúresinen álem chempıonatyna qatysatyn Qazaqstan komandasy:

50 keli: Valentına Islamova

55 keli: Marına Sedneva

57 keli: Emma Tısına

59 keli: Madına Baqbergenova

62 keli: Aıaýlym Qasymova

65 keli: Aına Temirtasova

68 keli: Irına Kazıýlına

72 keli: Jámıla Baqbergenova

76 keli: Elmıra Syzdyqova.

Sońǵy jańalyqtar