15 Tamyz, 16:13 342 0 Jańalyqtar Túrkistan Gazeti

Elorda ákimi mektep dırektorlarymen kezdesti

Nur-Sultan qalasynyń ákimi Altaı Kólginov oqý jyly qarsańynda mektep dırektorlarymen kezdesti. Qala basshysy halyqtyń ósýine baılanysty áleýmettik nysandarǵa júkteme artyp kele jatqanyn atap ótti. Bul týraly qala ákimdiginiń resmı saıty habarlady.

Elordada 10 jyl buryn 73 mektep pen 75 myń oqýshy bolsa, qazirgi tańda 108 mektep pen 162 myń oqýshy bar. Qyrkúıek aıynda  24 myń bala mektep tabaldyryǵyn attaıdy. Sonymen qatar 17 myń pedagog eńbek etýde.

Oqý oryndaryn bıýdjet esebinen ǵana emes, jeke ınvestıııalardy tartý arqyly da salý kerek. Investorlar elordada 11 jeke menshik mektep salýǵa nıet bildirip otyr. Investıııa kólemi 27,6 mlrd teńgeni quraıdy. 5 jyldyń ishinde 37 jańa mektep salý josparlanǵan. Bıyl 3 jańa mektep salynady.

Kezdesý barysynda oqý oryndarynyń dırektorlary mektepterde oryn tapshylyǵy bar ekenin, keıbir mektepterde beınebaqylaý kameralarynyń joqtyǵyn, joldardyń nashar ekendigin, materıaldyq-tehnıkalyq qamtý dárejesiniń tómen deńgeıde bolýy sııaqty máselelerdi aıtyp jetkizdi. Qala ákimi A. Kólginov ortasha jóndeý jumystary 32 mektepte, al kúrdeli jóndeý jumystary 8 mektepte júrgizilip jatqanyn atap ótti.

«Elimizde bilim berý júıesine erekshe kóńil bólinedi.Pedagogtardyń biliktiligi óte mańyzdy máselelerdiń biri. Balalardyń mektep baǵdarlamasyn qanshalyqty jaqsy meńgerýi jáne mektepten qandaı bilim alyp shyǵatyndyǵy tek sizderge baılanysty. Bilim berý proesiniń sapasyna kóńil bólý kerek. Ýaqyttyń basym bóligin balalar mektepte ótkizedi, olardyń jeke tulǵa bolyp qalyptasýy da mektepten bastaý alady. Oqýshylardyń kózqarasy, ómirlik qundylyqtary jáne ustanymy aınalasyndaǵy adamdarǵa baılanysty. Balalardyń rýhanı damýyna da kóńil bólý kerek», - dedi A. Kólginov.

Qala ákimi A. Kólginov atalǵan máseleler júıeli túrde jumystanýdy talap etetindigin atap ótti.

Sońǵy jańalyqtar