15 Tamyz 2019, 13:56 487 0 Jańalyqtar Turkystan Support

7 aıda 17 myń shaǵym

Jyl basynan beri memlekettik satyp alýlar veb-portalyn qoldaný aqyly júıege aýysqany belgili. Elektrondy shaǵymdaný múmkindigi berilgen soń aryzdaný kólemi artqan.

Bul jaıynda QR Qarjy vıe-mınıstri Rýslan Beketaev Úkimette ótken baspasóz máslıhatynda keńinen áńgimeledi. «Qazirgi ýaqytta barlyq satyp alý proedýralarynan 2% ǵana zańbuzýshylyq tabylǵan, al buryn árbir úshinshi satyp alýdan qate tabylatyn. Sonymen birge, veb-portalda memlekettik satyp alýlar nátıjesi boıynsha elektrondy shaǵym qaldyrý múmkindigi engizildi. Endi memlekettik satyp alýlarǵa shaǵym túsirip, onyń barysyn veb-portal arqyly baqylaýǵa bolady», – dedi vıe-mınıstr.

Elektrondy shaǵym engizgenshe orta eseppen 2 myń shaǵym tússe. 2019 jyldyń alǵashqy 7 aıynda elektrondy jolmen 17 myń adam aryzdanǵan. Búgingi kúnge deıin yqtımal jetkizýshilerden 3,6 mlrd teńge túsken.

«Mundaı ósim kásibı «shaǵymdaný­shy­lar­dyń» paıda bolýymen de baılanysty. Olar úshin elektrondy shaǵymdaný memlekettik satyp alýdy úzip, zańsyz paıda kórý quralyna aınaldy. Bul máseleni sheshý úshin Qarjy mınıstrligi Memlekettik satyp alýlar týraly zańǵa shaǵymdanýdy aqyly etý týraly ózgeris engizýdi kóterdi. Bul tájirıbe Eýropa elderinde, Armenııa men Grýzııada jáne Ýkraınada keńinen qoldanylady. Sonymen birge, Qarjy mınıstrligi shaǵymdy qabyldaǵan jaǵdaıda tólengen qarajatty qaıtarýdy usyndy. Kerisinshe, shaǵym negizsiz bolsa, qarajat bıýdjetke ketedi», – dep túsindirdi spıker.

 

Sońǵy jańalyqtar