15 Tamyz, 13:38 382 0 Ádebıet "Túrkistan" gazetiniń avtorlary

Mekemtas Myrzahmetov: Bizdi tyǵyryqtan Abaı shyǵarady

Eýropada qanshama ult pen ulys jutylyp ketti. Ja­han­daný degen alapat tajal de­genin istedi. Alaıda biz Batysqa jutylmaımyz. Jutylýǵa tıis emespiz. Táýelsiz el bolyp, kózimiz ashyldy. Endi kúsh bermeımiz. Biraq qazaq qyzda­ry­nyń buzylyp ketkenin joqqa shyǵarmaımyn. Tipti áıelder de buzyldy. Anaǵan-mynaǵan elikteımiz dep etegin ashty. Qaıtip jaba almaı qaldyq. Qyz mineziniń buzylǵany sondaı – áıel zatynan alaıaqtar kóp shyǵatyn boldy. Eki kúnniń birinde teledıdardan alaıaqtyqpen bireýlerdi aldap-arbap ustalyp jatqan qyz-kelinshekterdi kórsetedi. Tipti er-azamattardyń qolynan kelmeıtin qylmysqa baratyn bolǵan. Araq ishý, temeki shegýden jigitterdiń aldyna túsip ketti. Ondaı áıelden qandaı bala týady? Jatyrda búlingen bala eshqashan ońbaıdy. Odan ultqa paıda ákeletin urpaq óspeıdi. Ajyrasý da kóp. Jas­taı buzylǵan qyzdy qaı jigit jar qylsyn? Aıta berseń, áń­gime kóp. Qazaq «Qyzǵa qy­ryq úıden tyıym, qala berse esiktegi kúńnen tyıym» dep beker aıtpaǵan. Esiktegi kúń men bo­sa­ǵadaǵy quldyń da qyzdy tyıyp ustaýǵa haqysy bolǵan. Sondaı el edik qoı! Bizdiń jas kezde «buzylǵan qyz» degen sóz­di estimeıtinbiz. Áıel bu­zyl­­dy degenshe, el buzyldy deı ber. Ony túzeý qıyn. Erkekter de ońyp turǵan joq. Jigitterdiń boıyndaǵy jal­qaý­­lyq, nápsiqumarlyq dendep ketken. Bul tyǵyryqtan shy­ǵa­ratyn jalǵyz jol – Abaı.

Abaı ilimin mektepten bastap joǵary oqý oryn­darynyń bárinde oqytý kerek. Sheneýnikterden memlekettik tilden emtıhan alǵan sııaqty Abaı iliminen de synaq alý kerek. Sonda ǵana qoǵam óz ornyna keledi. Abaıǵa bir kirgen adam jaman jolǵa bara almaıdy. Buǵan meniń kózim anyq jetken.

Sońǵy jańalyqtar