15 Tamyz 2019, 12:05 617 0 Qoǵam "Túrkistan" gazetiniń avtorlary

Moldahmet Qanaz: Másele atynda emes, zatynda

Qazaq ishinde aqsaqaldar ınstı­týty Qazan tóńkerisine deıin shama-sharqyna qaraı, memlekettik bolmaǵanmen, turmys­tyq deńgeıdegi máselelerdi rettestirip otyr­ǵandyǵy málim.

Al Keńes ókimeti tusynda memleket bar bılikti qolyna alyp, olardy shettetkeni belgili. Alaıda tur­mystyq, rýlyq, aýyldyq qatynasta bul mártebe joıylǵan joq. Bılik dárejesinde bolmaǵanmen, el ara­synda aqyl-keńestik dárejede izin joǵaltpaı keledi. Biren-saran jaǵdaıda pendeshilik jaılar kezdesip qalǵany bar desek te, aqsaqaldar búldiripti degendi estigen joqpyz.

Joǵalǵan nárseni qaıta qalpyna kel­tirýge bola ma? Máseleniń túıini osynda.

Qazir memlekettik basqarý júıesi shama-sharqynsha jumys istep tur. Anyǵy, bul júıe aqsaqaldyń aqylyna zárý emes. Aqsaqalǵa zárý asa kúrdeli is – mem­le­keti­mizdiń túbegeıli damý baǵyty. Aqsaqal­da­rymyzdyń bar jumysy osy jerde.

Máselen, sheteldegi qandastarymyz­dyń elge jetkizýdiń qarqyny nege bá­seń­dep qaldy? Qazaq ósýge tıisti emes pe? Áli kúnge deıin nege memlekettik ıdeolo­gııa­nyń tu­ǵyry anyqtalmaǵan? Genderlik saıasat degen áıeldiń atqa minýi me? Otaǵa­syna kim qaraıdy? Kim urpaq órbitip, tárbıeleıdi? Asa qatań qan­isher­ler – jas balalardy zorlaý­shylar men mem­leket qarjysyn  urla­ǵan­darǵa nege jaza jeńil? Jumys­syzdyqty qalaı azaıtamyz, taǵysyn taǵylar....

«Jınalystardy azaıtý máselesine jı­nalys ashaıyq» demekshi, másele neniń bolsa da, atynda emes, zatynda.

Moldahmet QANAZ,

jazýshy, Halyqaralyq «Alash» ádebı syılyǵynyń laýreaty

Sońǵy jańalyqtar