15 Tamyz, 12:02 371 0 Ádebıet "Túrkistan" gazetiniń avtorlary

Temirhan Medetbek: Bılik pen halyqtyń arasyna altyn kópir bolsa

????????????????????????????????????
????????????????????????????????????

Jalpy qoǵam­dyq negizde ulttyq sıpaty bar uıym­dar­dyń qurylyp jatqany búgin ǵana emes. Burynnan bar. Osydan az ǵana ýa­qyt Ult­tyq keńes degen uıym quryldy. Ondaı uıym buryn da bolǵan. Biraq solardyń kóbi belgili bir jaǵdaıda memlekettik saıasatty jurtqa túsin­dirýde, memlekettik ıdeologııaǵa tirek bolýǵa sebi tıdi demesek, qarapaıym halyq­tyń muń-muqtajyn aıtyp, bılikti ózimen sanas­ty­rýǵa jete qoımaǵan sııaqty.

Aqsaqaldar senaty quryldy degendi estip jatyrmyz. Onyń quramyna kirgen kisiler de halyq biletin tulǵalar. Menińshe, Oljas Súleımenov te, Murat Áýezov te, Tóregeldi Sharmanov ta halyqqa jany ashıtyn, memlekettiń bolashaǵy úshin qam jeıtin azamattar.

Másele qandaı da bir uıym qurýda emes, sol uıymdy qurýshylardyń qara basynyń abyroıynan góri, eldiń, halyqtyń jaǵdaıyn oılap, ult úshin, memleket úshin ádil de belsendi túrde jumys isteýinde. Sondyqtan olar, búginde qarym-qatynasynda alshaqtyq baıqa­la­tyn bılik pen halyqtyń arasyna altyn kópir bolý mindetin atqaryp jatsa, nege qoldamasqa?!

Memlekette ashyq synǵa, sóz erkin­digine shekteý bolmasa damý bolatyny sózsiz. Halyqtyń sózi bılikke halyqshyl uıymdar arqyly jetip jatsa, ol da bir ǵanıbet.

El árqashan jańadan qurylyp jatqan qoǵamdyq uıymdarǵa úmitpen qaraıdy. Ókinishtisi, «janbaı jatyp sónetin» uıym­dar az emes. Sondyqtan belgili bir bas­ta­many kótergende, uıym qurǵanda ony aqyryna deıin aparmasa jurttyń odan kóńili qalyp, ondaıǵa senbeıtin bolady. Senim joq jerde eshbir is alǵa baspaıtynyn eskerýimiz kerek.

Osy jaılardy eskere kelgende, endi qurylyp jatqan Aqsaqaldar senaty jaıynda ázirge birdeńe deı almaımyn. Men de ózge jurt sekildi, olardyń aldaǵy ýaqyttaǵy belsendiligine, ult úshin, mem­leket úshin istegen jumys­tarynyń nátıje­sine qarap qana baǵa bere alamyn.

Temirhan MEDETBEK

aqyn, Memlekettik syılyqtyń laýreaty

Sońǵy jańalyqtar