14 Tamyz, 20:43 315 0 Jańalyqtar Túrkistan Gazeti

Qaraǵandy oblysynda qýǵyn-súrginge túsken lıtvalyqtar týraly kórme ashyldy

Qaraǵandy oblysy Dolınka kentindegi saıası qýǵyn-súrgin qurbandaryn eske alý murajaıynda «Lıtvalyqtar Qazaqstanda» atty kórme ashyldy. Bul  týraly QazAqparat HAA habarlaıdy.

Stalındik terrordyń qaıǵyly tarıhy týraly baıandaıtyn ekspozıııa «Rýhanı jańǵyrý» baǵdarlamasy aıasynda uıymdastyryldy. Bul týraly Qaraǵandy oblysynyń ákimdigi habarlady. «Bizdiń elimiz deportaııalanǵan lıtvalyqtardyń ómirinde úlken ról atqardy.

Qazaqstan Lıtvanyń qýǵyn-súrginge ushyraǵan turǵyndarynyń sany boıynsha Reseıden keıin ekinshi orynda tur. Munda 50 myńǵa jýyq etnıkalyq lıtvalyqtar bolǵan. Qazaq dalasyna óz erkinen tys jer aýdaryp kelgen adamdar jergilikti halyqpen kórshi bolyp ómir súrdi jáne birge eńbek etti. Qazaqtar olarǵa aýyr jaǵdaıda kómektesip, ómir qıyndyqtaryna tótep berýge járdemdesti. Al lıtvalyqtar óz kezeginde jaqsy usta boldy, sazdan jasalǵan ydys-aıaq jáne aǵashtan jasalǵan buıymdar jasaı aldy, sol arqyly halyqtardyń mádenıetin ózara baıyta bildi», - dep atap ótti murajaı qorynyń bas saqtaýshysy Marına Klyshnıkova.

Kórmede 40-50 jyldardaǵy tarıhı qujattar, fotosýretter, turmystyq zattar jınaqtalǵan. Ekspozıııa materıaldarynan lıtvalyqtar qandaı lagerlerde jáne qaıda jumys isteıtinin bilýge bolady. Qaraǵandy oblysy boıynsha atý jazasyna qıylǵan lıtvalyqtardyń tizimi, muraǵattyq isterdiń kóshirmeleri, lagerlerdegi qamaýdaǵylardyń quramy men qozǵalysy, arnaıy qonys aýdarýshylardyń sany jáne t. b. týraly anyqtamalar usynylǵan. Sonymen qatar ALJIR lagerinde jazasyn ótegen lıtva ultynyń ókilderine arnalǵan stend ornatyldy. Qýǵyn-súrgin qasireti naqty adamdardyń taǵdyry arqyly da berildi. Ekspozıııada Temirtaý lagerlik bóliminde jasalǵan Adamıs Adamonıstiń ólimi týraly qujattar, Spassk bólimshesiniń sottalýshysy, áskerı tutqyndalǵan Otto Spogattyń kartochkalary bar. Murajaı qorynan arnaıy qonys aýdarýshylardyń chemodandary, katolıktik Hrıstos kerilgen krest, qamaýdaǵylardyń ydystary men kıimderi usynylǵan. Búginde Qazaqstanda 7 myńnan astam lıtvalyqtar turady, onyń 2 500-i Qaraǵandy oblysynda. «Qazaqstandaǵy lıtvalyqtar» kórmesi 2019 jyldyń 19 tamyzyna deıin jalǵasady.

Sońǵy jańalyqtar