14 Tamyz, 18:12 343 0 Jahan Túrkistan Gazeti

Japonııaǵa taıfýn tónip keledi: 400-ge jýyq áýe reısi toqtatyldy

«Krosa» taıfýnynyń jaqyndaýyna baılanysty Japonııanyń Kıýsıý aralyn basqa aýdandarmen baılanystyratyn 400-ge jýyq ishki áýe reısteriniń qozǵalysyna shekteý qoıyldy, dep habarlaıdy QazAqparat.

NHK telearnasynyń aqparatyna sáıkes, sársenbi kúni 170 áýe reısi toqtatylǵan. Sondaı-aq, beısenbige josparlanǵan 228 ishki áýe reısteri keıinge qaldyryldy. Qazirgi ýaqytta taıfýn Tanegasıma aralynan shyǵysqa qaraı 190 shaqyrym jerde. Jeldiń ortalyqtaǵy jyldamdyǵy sekýndyna 30 metrdi quraıdy, al uıytqýy kezinde sekýndyna 40 metrge deıin artady. Tolqyndardyń bıiktigi 9 metrge jetýi yqtımal. Taıfýn Kıýsıý aralyna beısenbige qaraǵan túni tónýi múmkin, al aldaǵy 24 saǵatta batys jaǵalaý men Sıkoký aralynyń ortalyq aýdandaryna, sondaı-aq, Honsıý aralynyń ortalyq aýdandaryna jetedi dep kútilýde.

Tegter japonııa

Sońǵy jańalyqtar