14 Tamyz, 18:09 359 0 Mádenıet Túrkistan Gazeti

Qasym-Jomart Toqaev belgili arheolog Zeınolla Samashevty qabyldady

Qazaqstan Prezıdenti Qasym-Jomart Toqaev belgili arheolog Zeınolla Samashevty qabyldady, dep habarlaıdy Aqordanyń baspasóz qyzmeti.

Kezdesý barysynda Memleket basshysyna Qazaqstan ǵylymynyń keıbir máseleleri, sonyń ishinde sońǵy jyldary ashylyp jatqan ǵylymı jańalyqtar, arheologııalyq zertteýler, mamandar daıarlaý jumysy jóninde málimet berildi.

Sonymen qatar, Zeınolla Samashev Qasym-Jomart Toqaevqa Shyǵys Qazaqstan oblysyndaǵy saq dáýiriniń alǵashqy kezeńine jatatyn qonystardaǵy qazba jumystary, Berel qorǵanyndaǵy arheologııalyq zertteýlerdiń qorytyndysy jáne sheteldik ǵalymdarmen áriptestik týraly aıtyp berdi. Memleket basshysy tarıhı zertteýlerdiń mańyzdylyǵyna toqtalyp, sońǵy jyldary otandyq arheologııa salasynda belgili bolǵan tyń derekterdi Qazaqstannyń ejelgi, ortaǵasyrdaǵy tarıhynyń jylnamasyna engizý qajettiligin atap ótti.

Sońǵy jańalyqtar