14 Tamyz, 17:59 324 0 Aımaq Túrkistan Gazeti

Soltústik Qazaqstanda janarmaı quıylǵan eki kólik janyp ketti

Óńirdegi  sharýashylyqtardyń birinde janarmaı quıylǵan avtoısterna órtke orandy. Bul týraly egemen.kz habarlaıdy.

Qatty jeldiń saldarynan jalyndy sóndirý múmkin bolmaǵan. Qasyndaǵy júk kóligi de janyp ketken.

Oblystyq tótenshe jaǵdaılar departamenti baspasóz qyzmetiniń habarlaýynsha, órt Maǵjan Jumabaev aýdany Qaraqoǵa aýyly mańyndaǵy «Jıgalov» sharýa qojalyǵyna tıesili janarmaı bazasynda shyqqan. Oqıǵa ornyna Býlaev jáne Petropavl qalalarynyń órt sóndirýshileri tez jetip, 9 maman men 4 tehnıka órtti aýyzdyqtaýǵa  jumyldyrylǵan.  Olardyń jumysyn qatty jel qıyndatyp jibergen.

Órt sharýashylyqtyń janarmaı bazasynda KAMAZ avtoısternasynan dızel otynyn aǵyzý kezinde shyqqan kórined. Qatty jel órtti órshitip, qasynda turǵan GAZ – 53 kóligin de sharpyǵan. Saldarynan eki mashına da janyp ketken. Áıteýir janarmaı saqtalǵan qoımalar aman.

Sońǵy jańalyqtar