14 Tamyz, 12:55 891 0 Óner Túrkistan International Political Weekly

47 balanyń anasy

Jetim... Bizdiń qoǵam ata-ana qaraýynsyz qalǵan tastandylarǵa osyndaı ataý bergen. Muzdaı sýyq ári tastaı qatty sóz. Júrek syzdatarlyq bul ataý qazirgi kúde kóbeımese azaıar emes. Nege? Zaman azǵyndady ma álde adam ba belgisiz. Áıteýir, jetimder úıiniń esigin syǵalaǵan urpaq kóp. Ne izdeýi, ne suraýy joq kóshe kezgen qańǵybasqa aınalǵan balalardyń ómirine kim jaýapty? Ózimdiki dep tapqan baýyretin ózekke tepken áke men sheshe me, álde, sol dalada shashylǵan balany jınaı almaı otyrǵan bılik pe? Bul óte úlken másele. Ulqa úlken qaýip tóndiretini daýsyz. Sebebi, birneshe mıllıon ǵana halqy bar elimizdiń erteńi jastardyń qolynda. Al, bizdiń birshama elim der erlerimiz ben qaragózderimiz ata-ana mahabbatynan ada qalyp, jastyq shaǵyn jaltaqtaýmen ótkizip, jetimdiktiń ay dámán tatyp ósip keledi. Shekara asyp shet eldiń azamaty atanǵany qanshama. Onyń ózi bólek taraý, bólek áńgime.

Psıhologtardyń aıtýynsha balalar úıiniń tárbıelenýshileri kóbinese qoǵamnan shette qalyp qalady. Sondaı aq ol baldyrǵandardyń saǵy synǵysh, júıkesi álsiz bolady. Dese de, memleket tarapynan jasalyp jatqan jaǵdaı da az emes. Balaqaılardyń kıim keshegi men jatyn orny, iship-jem tamaǵy ókimettiń moınynda. Panasyz qalǵan tastandylar da bilim alýǵa quqyly ǵoı. Memleket oǵan da jaǵdaı jasap otyr. Sondaı aq, jetimder úıiniń jetkinshekterine qoǵam belsendileri de qoldan kelgen kómekti aıap jatqan joq. Alaıda, biz olarǵa bal men maı bersek te, áke men ananyń bergen qara sýynyń ornyn toltyra almasy ókinishti.

Qıly taǵdyrdy bastan keship, ómir atty ótkeldiń ay tyrnaǵyna erte ilikken beıkúná júrekterdiń jarasy emdelmesi anyq. Dese de, olar da qoǵamnyń bir bólshegi. Biz jesirin syılap, jetimin jylatpaıtuǵyn qazaq degen el emes pa edik... Osy sózge tuzdyq bolsyn, óz ortamyzda bolyp jatqan oqıǵalar adam meıirmdiliginiń shegi joq ekenin dáleldeı beredi. Qalaı deısiz ǵoı. Qazirgi tańda elimizde osyndaı ata-ana qaraýynsyz qalǵan bóbekterdi panasyna alyp, birshamasynyń basyn biriktirp, aırandaı uıyp otyrǵan otbasylar qanshama. Óziniń qany bolmasa da ózgeniń bóbegin baýyryna basyp, aıaqtandyryp, synǵan qanatqa jan bitirgen meıirban jandar az emes. Óz mańdaı terimen eńbektenip, tapqan bir taba nanyn sol balalardyń aýzyna tosqan asyraýshylarǵa degen qurmet te erekshe bolýy tıis.

Meniń bul sózime ómirden alynǵan oqıǵalardy sýretteıtin, jańadan jaryq kórgeli jatqan «47 balanyń anasy» teleserıaly dálel. 47 taǵdyrdy toǵystyrǵan ananyń ómiri kez kelgenge úlgi-ónege bolary anyq.

“QAZAQSTAN” ulttyq arnasynan kórermenge jol tartqan melodrama jýyrda kógildir ekranǵa shyǵady. Ómirdiń ay shyndyǵynan syr shertetin bul fılm ózekti máseleniń sheshilýine muryndyq bolsa quba-qup emes pe?! Osyndaı mádenıet úlgileri ulttyń máselesine qarlyǵashtyń qanatymen sý sepkendeı paıdasyn tıgizse degen oı ár kókrekte saırap tur. Elimizdiń bir jyrtyǵy jamalsa ol biz úshin úlken jeńis!

Sońǵy jańalyqtar