14 Tamyz, 10:40 292 0 Qaýipsizdik Túrkistan Gazeti

Almatyda sel qaýpi bar

Almatynyń Naýryzbaı aýdanyna Qarǵaly ózeninde sel júrý qaýpi tónip turǵandyqtan dabyl jarııalandy.

«Qarǵaly ózeni aǵatyn Naýryzbaı aýdanynda sel júrý qaýpi bar, sebebi sýdyń deńgeıi kúrt tómendegen jáne bógetti kez kelgen sátte buzyp ketýi múmkin. Múmkindiginshe qujattaryńyzdy alyp, qalaǵa qaraı ketińizder. Bóget buzylmaýy da múmkin, alaıda qaýiptiń yqtımaldyǵy joǵary», - dep túsindirdi 112 nómirinen.

«2019 jyldyń 14 tamyzynda Naýryzbaı aýdanynda shaǵyn kólemde sel shyǵarý júrgizildi. Turǵyndarǵa eskertip úlgerdik. Energetıka qyzmetine jaryqty, gazdy óshirý týraly komanda berildi. Eskertemiz, turǵyndardy kóshiremiz. Almaty qalalyq TJD Áýezov jáne Alataý aýdandarynda Qarǵaly ózeniniń tómengi jaǵynda turatyn turǵyndarǵa eskertý jasap jatyr», - dep túsindirdi Almaty TJD-dan.

Almatyda sel júrý qaýpine baılanysty Naýryzbaı aýdanynda evakýaııalaý pýnktteri belgilendi.

«Evakýaııalaý pýnktteri: 1. Eski ákimshilik (Jandosov-Rysqulov). 2. Shahmerdenov atyndaǵy 175 mektep. 3. 158 mektep. (Jandosov – Iasaýı qıylysy)», - delingen Almaty ákimdigi taratqan habarlamada.

TJD sońǵy ýaqyttarda muzdyq kólderi sýynyń aǵyzylýy týraly aqparat berdi. Sel qaýpi týyndaǵan kóldiń sýy 77 myń tekshe metrden 26 myń tekshe metrge deıin azaıtyldy.

«2015 jyly bul plotınadan 30 myń tekshe metr sý ótken. Bógettiń jobalyq qýaty 1,2 mln tekshe metr. Bul jerge 600 myń tekshe metr sý jetedi. Apattyq jaǵdaıda sekýndyna 10 tekshe metr sý jiberiledi. Ózenniń arnasy 20 myń tekshe metrge eseptelip, betondalǵan», - dedi TJD ókilderi.

Búgin Almatyda Naýryzbaı aýdanynda az mólsherde sel júrdi.

Sońǵy jańalyqtar