13 Tamyz, 18:29 237 0 Aımaq Túrkistan Gazeti

Úsh qalada qosymsha HQKO ashylady

Jańa front-ofıster halyq kóp shoǵyrlanǵan Nur-Sultan, Almaty jáne Shymkent qalalarynda ashylady. Bul týraly «Azamattarǵa arnalǵan úkimet» memlekettik korporaııasynyń basqarma tóraıymy Ásemgúl Baltasheva Facebook-tegi paraqshasynda málimdedi. 

«Megapolısterdegi halyqtyń ósýi jedel sharalardyń qabyldanýyn talap etedi. Jarty jyldyń ózinde Almaty men Nur-Sultan shaharlarynda ǵana 3,5 mln qyzmet kórsetilgen. Tamyz aıynyń sońyna deıin biz astanamyz ben Almatyda qosymsha bir-bir halyqqa qyzmet kórsetý ortalyqtaryn ashatyn bolamyz. Oǵan qosa, Almaty qalasyndaǵy Alataý aýdanyndaǵy HQKO bir aılyq úzilisten keıin qaıtadan óz qyzmetin jandandyrdy», - delingen áleýmettik jelidegi jazbada.

Oǵan qosa, elimizdegi mamandandyrylǵan HQKO sany artatyn bolady. Máselen, Almaty qalasynda altynshy avto HQKO ashylsa, oǵan jaqyn jatqan Talǵar jáne Qarasaı aýdandarynda taǵy bir-bir ortalyq iske qosylady. Ásemgúl Serikqyzynyń aıtýynsha, jańa ortalyqtar tamyz-qyrkúıek aralyǵynda ashylady.

«Eń úlken avtobazar osy megapolıste, jaqyn jatqan oblys turǵyndary sonda baryp kólikterin satyp, jańasyn alyp, tirkeý rásimderin de sonda jasatady. Jarty jyl ishinde Qazaqstanda kólik sektory boıynsha kórsetilgen qyzmet sany 1,5 mln jýyq bolsa, onyń 24%-y Almatyǵa tıesili», - dep atap ótken Baltasheva óz paraqshasynda.

Sondaı-aq, Shymkent qalasynda da mamandandyrylǵan HQO iske qosylatyny aıtylǵan. Osylaısha, bul shaharda qyrkúıek aıynan bastap 3 avto HQKO qyzmet kórsete bastaıdy.

Búginde Qazaqstanda 328 front-ofıs jumys isteıdi, kórsetiletin qyzmet túrlerine qaraı olar HQKO, ıfrlyq HQKO, kóshi-qon HQKO-sy, mamandandyrylǵan HQKO-lar bolyp jikteledi. Jyl basynan beri alty aı ishinde onda qazaqstandyqtarǵa 15 mln qyzmet kórsetilgen.

 

Sońǵy jańalyqtar