13 Tamyz, 18:16 258 0 Áleýmet Túrkistan Gazeti

«7-20-25»: Jyl basynan beri 10 myń ótinish maquldanǵan

2019 jyldyń qańtarynan bastap «7-20-25» baǵdarlamasyna qatysýǵa 16 677 ótinish kelip túsip, onyń 9813-i maquldanǵan. Bul týraly Ulttyq bank tóraǵasy Erbolat Dosaev Úkimet otyrysynda málimdedi. Bul týraly BAQ.KZ halyqaralyq agenttigi habarlaıdy.

«Ulttyq bank «7-20-25» baǵdarlamasyn iske asyrýda. 2019 jyly 8 tamyzdaǵy jaǵdaı boıynsha 188 mlrd 300 mln teńgege 16 677 ótinish berildi. Onyń ishinde bankter 112 mlrd 700 mln teńge somaǵa 9813 ótinimdi maquldady. Nátıjesinde ıpotekalyq kredıtteý damydy. Byltyr shilde aıynan bastap baǵdarlama iske qosylǵannan beri bankterdiń ıpotekalyq portfeli 30,5% 1,5 trln teńgege ósti», - dedi Dosaev.

Ulttyq bank tóraǵasy ekonomıkanyń basym sektorlaryn qarjylandyrý úshin bankterge uzaqmerzimdi resýrstar beriletinin aıtty. «Bankter 51 mlrd 400 mln somaǵa 106 jobany maquldady. 31 mlrd somaǵa 69 qaryz berildi. QR azamattarynyń borysh júktemesin azaıtý týraly prezıdent jarlyǵyn ise asyrý sheńberinde Úkimet pen banktermen, mıkroqarjy uıymdarymen birlesip eki baǵyt boıynsha jumys júrgizilýde. Birinshi – halyqtyń áleýmettik osal toptary úshin kepilsiz qaryzdar boıynsha 300 myń teńgege deıingi bereshekterdi óteý. Azamattardyń tizimderi boıynsha aqparattar jınap, aqy tóleýge tizim jasaldy. Bereshekterdi óteý tamyz sońyna deıin aıaqtalady. Azamattar banktermen mıkroqarjy uıymdaryna júginbeıdi, bul derbes júrgiziledi. Kredıtorlar árbir qaryz alýshyǵa tıisti habarlama jiberedi», - dedi Ulttyq bank tóraǵasy.Dosaev búkil qazaqstandyqtarǵa kepilsiz qaryzdar boıynsha 2019 jyly 1 shildege eseptelgen aıyppuldar men ósimpuldardy esepten shyǵarý boıynsha 30 shildede bankter men mıkroqarjy uıymdary 33 mlrd 600 mln somaǵa 1 mln 200 myń azamattyń aıyppuldary men ósimpuldaryn keshirgenin aıtty.Buǵan deıin Ulttyq bank tóraǵasy Erbolat Dosaev Úkimet otyrysynda jeti aıdaǵy ınflıaııa deńgeıiniń jáne teńge baǵamynyń dınamıkasy týraly aıtqan bolatyn.

 

Sońǵy jańalyqtar