13 Tamyz, 17:41 244 0 Ishki saıasat Túrkistan Gazeti

Memleket basshysy ekonomıkalyq máseleler boıynsha keńes ótkizdi

Prezıdent Qasym-Jomart Toqaevtyń tóraǵalyq etýimen «Aqorda» rezıdenııasynda ekonomıkalyq máseleler boıynsha keńes ótti, dep habarlaıdy Aqordanyń baspasóz qyzmeti.

Keńes barysynda bıylǵy 7 aıdaǵy elimizdiń áleýmettik-ekonomıkalyq damý qorytyndylary qaraldy. Premer-Mınıstr Asqar Mamın, Ulttyq Bank Tóraǵasy Erbolat Dosaev, sondaı-aq Eńbek jáne halyqty áleýmettik qorǵaý mınıstri Berdibek Saparbaev baıandama jasady. Jıynǵa qatysýshylar otandyq taýar óndirýshilerdi qoldaý, áleýmettik mańyzy bar azyq-túlik taýarlary men tarıfter baǵasynyń ósýin boldyrmaý, ataýly áleýmettik kómek taǵaıyndaý, kóp balaly otbasylardy turǵyn úımen qamtamasyz etý, sondaı-aq jylytý maýsymy men jańa oqý jylyna daıyndyq máselelerin talqylady. Memleket basshysy el ekonomıkasynyń damýyna salmaqty serpin berý maqsatynda jańa tásilder usynýdyń aıryqsha mańyzdylyǵyn atap ótip, bul úshin Úkimettiń, Prezıdent Ákimshiliginiń jáne sarapshylar qaýymdastyǵynyń úılesimdi jumysy qajet ekenine erekshe mán berdi. Qasym-Jomart Toqaev kúndelikti máselelerge qatysty jedel sheshim usynýmen qatar aldymyzda halyqaralyq naryqtardaǵy teris úrdisterdi eskere otyryp, ekonomıkanyń ortamerzimdi keleshektegi damý baǵdaryn aıqyndaý mindeti turǵanyn atap kórsetti. Sońynda Prezıdent azamattardyń turmys sapasynyń tómendeýine jol bermeý úshin basty nazardy olardyń múddelerine, halyq aldyndaǵy barlyq áleýmettik mindettemelerdiń tolyq oryndalýyna aýdarý qajet ekenine basa mán berdi.

Sońǵy jańalyqtar