9 Tamyz, 15:53 309 0 Qoǵam Dınara MYŃJASARQYZY

Jýrnalıster alleıasy paıda boldy

«ATAKENT» saıabaǵy aımaǵynda «Jýrnalıster alleıasynyń» saltanatty ashylýy ótti.

Bul alleıaǵa BAQ ókilderi óz qoldarymen alma aǵashtaryn otyrǵyzdy. Ár egilgen aǵashtyń nómiri tirkelip, oǵan esim berildi. Aǵash ekken adamǵa arnaıy sertıfıkat tabystaldy. Tabıǵatty aıalaý maqsatyndaǵy sharany «Atakent dostar klýby» uıymdastyrǵan. «Árbir aǵashtyń óziniń bir ıesi bolady. Ony tek qana búgin ǵana emes, endi bolashaqta da ózi sýaryp, ózi baǵalap, ózi ósirip, odan keıin pisken almany jınaýǵa keledi. Bul birinshi shara emes, áli kóptegen jospar bar», - dedi «Atakent dostar klýby» qoǵamdyq birlestiginiń jetekshisi Baýyrjan Baıakeshov.

Jalpy, saıabaqta 9600 túpten astam aǵash bar. Al búgin jýrnalıster 67 túp alma aǵashyn otyrǵyzdy. Sondaı-aq, uıymdastyrýshylar qalamyzda serýendeıtin saıabaqtardyń azdyǵyn aıtyp, tek jemis-jıdek aǵashtaryn otyrǵyzyp qana qoımaı, bolashaqta otyratyn oryndyqtar men shamdar qoıatyndaryn aıtty. Tipti oǵan qarajat bólingenin de atap ketti. Aıta keteıik, atalǵan alleıa BAQ ókilderine arnalǵan Almatydaǵy birinshi jasyl aımaq bolyp tabylady. Buǵan deıin Atakent saıabaǵynda 9 myń aǵash butalady degen qaýeset taraǵan bolatyn. Bul aqparat kópshiliktiń narazylyǵyn týdyrdy. «EcoAlmaty» JShS jetekshisi Janna Asanova bul aqparatty joqqa shyǵardy.

Sońǵy jańalyqtar