9 Tamyz, 15:49 311 0 Qoǵam Dınara MYŃJASARQYZY

Kópir salǵan qurylysshylar ashtyq jarııalady

Elordada kópir salǵan qurylysshylar ashtyq jarııalady. Astanada kópir salyp jatqan jumysshylar 9 aıdan beri jalaqy almaǵan. Tózimi taýsylǵan qurylysshylar 8 tamyz kúni ereýilge shyqty, - dep habarlaıdy "Astana" telearnasy.

Shıelenisken jaǵdaıǵa Bas memlekettik eńbek ınspektory aralasýǵa májbúr bolǵan. Sol-aq eken toǵyz aı typyr etpegen jumysberýshi, aqsha aýdarýǵa daıyn bolyp shyqqan. "Biz ashtyq jarııalaımyz. Túnimen osy jerde jatý kerek pe, jatamyz. Bzdiń aqshamyzdy bermegenshe", - deıdi aspaz Shaıra Rýzmetova.  Joba jetekshisi Aleksand Popovtyń aıtýynsha, býhgalterııaǵa jınalǵan ereýilshilerdiń tizimi jiberilgen.

Alaıda ol tizim boıynsha 26 adam ǵana eken. Al aılyǵyn ala almaı, aýlyna qaıtyp ketken qansha jumysshy bar. Kompanııa basshylyǵy aldaǵy kúnderi olardyń da eńbekaqysyn beremiz dep otyr. "Búgin myna máseleni sheshkennen keıin, erteń osy jerde istegen basqa adamdar aryzben qaıtadan keledi ǵoı. Solar aryzben kelmesi úshin sol mekememen tekserý barysynda jumystar júrgiziledi", - deıdi kóshi-qon komıteti tóraǵasynyń orynbasary, Qazaqstan Respýblıkasynyń bas memlekettik eńbek ınspektory Tólegen Ospanqulov.

Sońǵy jańalyqtar