9 Tamyz, 15:46 320 0 Ishki saıasat Dınara MYŃJASARQYZY

Elbasy «Samuryq-Qazyna» AQ Basqarma tóraǵasyn qabyldady

QR Tuńǵysh Prezıdenti N.Nazarbaev «Samuryq-Qazyna» AQ Basqarma tóraǵasy Ahmetjan Esimovti qabyldady.

Kezdesý barysynda N.Nazarbaev «Samuryq-Qazyna» AQ qarjylyq kórsetkishteri týraly aqparatqa qanyǵa kele, keıbir máseleler jóninde talqyǵa saldy.

A.Esimov usynǵan esepke sáıkes, alǵashqy jarty jyldyqta taza tabys 749 mlrd teńgeni quraǵan, bul ótken jylmen salystyrǵanda 50 paıyzǵa artyq.

Aınalym boıynsha operaııalyq tabys pen kiris 492 mlrd teńge jáne 3,3 trln teńgege jetken. Byltyrǵy jylmen salystyrǵanda 36 jáne 12 paıyzǵa kóp.

Qordyń qarjylyq áleýetine kóńili tolǵan Elbasy áleýmettik jobalarǵa belsendi túrde at salysý kerektigin eske saldy. Ásirese, «Qamqorlyq» jobasy aıasynda múmkindigi shekteýli balalardy qoldaý máselesine kóńil bólýdi tapsyrdy.

«Memleket, ákimdik, úkimettik emes uıymdar jáne bıznes qaýymdastyqtar bul iske mán berip, balalardy qoldaýǵa kirisip ketti. Alaıda, qazir ońaltý ortalyqtarynyń jumysy kóptiń kóńilinen shyqpaı otyr. Sondyqtan osy baǵyttaǵy jumystardy júrgizýdi tapsyramyn», –  dedi Elbasy.

«Sebebi, bizge aımaqtarda kópprofıldi ońaltý ortalyǵyn salý kerek. Sondaı-aq, mektepterde qosymsha kabınetter ashý mańyzdy. «Samuryq-Qazyna» osyndaı qaıyrymdylyq jobany qoldaýǵa árdaıym daıyn. Bul iske de jaýaptylyqpen qaraýy tıis» dep qorytyndylady Elbasy óz pikirin.

Budan ózge Elbasy Qor basshysyna bilim jobalaryn júzege asyryp, áleýmettik jaǵynan az qamtylǵan otbasydan shyqqan talantty balalardy qoldaýdy mindettedi. Sondaı-aq, medıına salasyndaǵy jobalardy qarjylandyryp, materıaldyq bazany jaqsartyp, bilikti kadrlarǵa múmkindik jasaýdy tapsyrdy.

Sońǵy jańalyqtar