9 Tamyz, 14:37 288 0 Syrtqy saıasat Dınara MYŃJASARQYZY

"Iegova kýágerlerin" "dinı arazdyq" úshin sottady

"Iegova kýágerleri" aǵymynyń 68 jastaǵy múshesi Shamıl Hakımovqa násilshildik, ulttyq nemese dinı arazdyq týǵyzdy degen aıyp taǵylǵan. Ol ózine taǵylǵan aıyptardy joqqa shyǵardy. Hakımovqa qarsy qozǵalǵan is boıynsha sot 20 tamyzda jalǵasady.

Forum 18 adam quqyǵyn qorǵaý uıymynyń habarlaýynsha, Hýdjand qalasyndaǵy sot Shamıl Hakımov isin qaraýdy keıinge qaldyrdy - onyń advokaty orys tiline aýdarmashy berýin suraǵan.

Shamıl Hakımov bıyl aqpan aıynda tyıym salynǵan dinı ádebıet taratty jáne ekstremıstik sıpattaǵy foto jáne vıdeomatrıaldar saqtady degen aıyppen ustaldy. Ol 5 jyldan 10 jylǵa deıin bas bostandyǵynan aırylýy múmkin.

Forum 18 málimeti boıynsha, is materıaldarynda tájik tiline aýdarylǵan Bıblııa da júr. Kitapty Institute for Bible Translation fırmasy aýdarǵan. Saraptama júrgizgen mamandar kitap resmı hanafa mazhabyna qaıshy dep tanyp, onyń taratylýy tájik qoǵamynda dinı arazdyq týǵyzýy múmkin degen qorytyndy jasaǵan.

Bılik "Iegova kýágerlerine" zań kómegin kórsetýden bas tartqan.

Shamıl Hakımov Soǵdy prokýratýrasyna Uıymdasqan qylmyspen kúres basqarmasynyń qyzmetkerleri qysym kórsetkeni týraly aryzdanǵan, biraz shaǵym qaraýsyz qalǵan. Buǵan deıin Soǵdy oblysynyń bıligi "Iegova kýágerlerin" tergeý kezinde azaptaǵan degendi joqqa shyǵarǵan.

 

Sońǵy jańalyqtar