9 Tamyz, 14:34 305 0 Syrtqy saıasat Dınara MYŃJASARQYZY

Almazbek Atambaev ustaldy  

Qyrǵyzstannyń burynǵy prezıdenti Almazbek Atambaevty kúsh qurylymdary ustady.

8 tamyzda Almazbek Atambaevtyń Koı-Tash aýylyndaǵy úıinen kúsh qurylymdarynyń eki avtokóligi shyqty, jýrnalıster sonyń birinde Atambaev otyrǵanyn kórdi. "Koı-Tash aýylyndaǵy jol jabyq bolǵandyqtan, avtokólikter aınalma jolmen - Ysykkatın tas joly arqyly ketti" dep habarlady Azattyqtyń qyrǵyz qyzmeti.
Burynǵy prezıdent úıinen ózi shyǵyp, kúsh qurylymdaryna berilgen. Bunyń aldynda ol IIM basshysynyń orynbasary Kýmar Asanovtan arnaıy jasaq óziniń jaqtastaryna tıispeýin talap etken. Atambaev jaqtastary saıasatkerdi qorǵaýǵa talpynǵan.

"Maǵan báribir: meni atyp tastańdar, biraq jigitterge tıispeńder!" - degen Atambaev kúsh qurylymdaryna beriler aldyn. Asanovtyń "eshkim oq atpaıdy" jáne "eshkim urmaıdy" degen ýádesinen soń ǵana Atambaev esikti ashqan.
Burynǵy prezıdenttiń úıinen eki tapansha, on úsh avtomat jáne onyń 35 oqsaýyty tárkilengen. Bunyń aldynda saıasatker "úıde ózinde ǵana qarý bolǵanyn" málimdegen edi.
Ishki ister mınıstrliginiń habarlaýynsha, arnaıy operaııany IIM basshysy Kashkar Jýnýshalıevtiń ózi basqarǵan. Mınıstrlik málimeti boıynsha, Almazbek Atambaev "tergeý amaldaryn jalǵastyrý úshin tıisti organdarǵa jetkiziledi".

8 tamyzda Almazbek Atambaevty ustaý jónindegi arnaıy operaııanyń ekinshi kezeńi ótti. 7 tamyzdaǵy arnaıy operaııa sátsizdikke ushyraǵan edi. Densaýlyq saqtaý mınısrliginiń málimetine qaraǵanda, 8 tamyzda Koı-Tashta bes adam jaralandy. Bir kún burynǵy janjal kezinde ondaǵan adam jaralanyp, arnaıy jasaqtyń bir sarbazy oqtan mert boldy. Medıınalyq kómekke júz shaqty adam júgingen.
Quqyq qorǵaý organdary arnaıy operaııa kezinde shýly dybys shyǵaratyn granatalar men basqa da arnaıy quraldar paıdalanǵan.
Parlament 8 tamyzda Koı-Tashtaǵy jaǵdaıda qatysty qaýly qabyldady. Depýtattar bul qaýlyda úkimettiń kúsh qurylymdary áreketterin jetkiliksiz úılestirgenin jáne Atambaevty ustaý jónindegi aqparatty halyqqa mardymzyz taratqanyn atap kórsetken. Buǵan qosa depýtattar mınıstrler keńsesi men bas prokýratýraǵa birqatar tapsyrma bergen.
Quzyrly organǵa depýtattar Koı-Tashtaǵy oqıǵa barysynda zań buzýshylyqtardy ádil tergeýin, Atambaev pen onyń jaqtastarynyń áreketine quqyqtyq baǵa berýin, arnaıy jasaq qyzmetkeriniń ólimi men taǵy birneshe sarbazdyń kepilge alynýyn, bılik ókilderine qarsy qarý qoldanylýyn tergeýdi tapsyrdy.

Sońǵy jańalyqtar