8 Tamyz, 16:42 343 0 Aımaq "Túrkistan" gazetiniń avtorlary

Shetelde júrgen qazaq kásipkerlerdi qoldaýǵa arnaldy

Túrkııada tabysqa jetken qazaq kásipkerleriniń bıznesin Qazaqstan naryǵynda da damytýǵa qoldaý jasaý úshin «Otandastar» Qorynyń bıznes jáne jobalardy akseleraııalaý boıynsha atqarýshy dırektory Danııar Baıǵaraev bastaǵan delegaııa  túrkııalyq isker azamattarmen kezdesý ótkizdi.

 Kezdesýge «El Tiregi» Qazaqstannyń shaǵyn jáne orta bıznesi Qaýymdastyǵynyń Basqarma Tóraǵasy Asqar Áýbákirov pen «KATKA» qazaqstan-túrik kásipkerleri qaýymdastyǵynyń Bas hatshysy,  «Business & Travel Central Asia» atqarýshy dırektory Dinmuhammed Zııatbekov, sonymen qatar bızneske ın­ves­­tıııa tartý jáne damytý isi boıynsha shaqyrylǵan sarapshylar qatysty.

Qazaqstandyq delegaııa kezdesý barysynda dastarhan shyǵarýmen aınalysatyn Akıol kompanııasynyń kásiporyndarymen tanysty. 50 jyl­dyq tarıhy bar kompanııa tolyq avtomattandyrylǵan, jaqsy ımporttyq áleýeti bar. Kompanııada búginde jumys isteıtin 38 adamnyń basym bóligi etnıkalyq qazaqtar. Kompanııa basshysy  Eıýp Akıoldyń ózi 20 ǵasyrda Túrkııaǵa qonystanǵan qazaqtardyń urpaǵy eken.  Tarıhı Otan, baýyrlar jaıynda tebirene tolǵanǵan ol ózi jınaǵan tájirıbesi men bilimin osy bıznespen aınalysqysy kelgen nemese Qazaqstanda fılıal ashýǵa nıettengen kez kelgen otandasyna berýge daıyn ekenin jetkizdi. Akıol myrzanyń ózi bıznesin 10 jyldan astam ýaqyttan beri tarıhı otanda ashýdy josparlap júrgendikten delegaııanyń kelgendigine jáne Qazaqstannyń Túrkııa aza­mattary-etnıkalyq qazaqtarǵa kó­mek­tesýge múddeli ekendigine óte qýandy.

Sondaı-aq, delegaııa dastarhan, lınolıým, shanaq bólshekterin jınaqtap, sándik bezendirýdi óndirýmen jáne ekinshi ret qaıta óńdeýmen aınalysatyn kompanııanyń da jumysymen tanysty. Kompanııany ekinshi býyndy emıgrant, etnıkalyq qazaq Ifran Sevenchan basqarady. Óndiris sońǵy ónimderiniń ózindik qunynyń tómendigi, sapasynyń joǵarylyǵy  arqasynda Stambuldaǵy uqsas ónimder arasyndaǵy kósh­bas­shy­lar­dyń biri bolyp tanylǵan.  Búginde kompanııada 10-ǵa tarta adam jumys isteıdi. Endigi jospar Almatyda fılıal ashý. Dıaspora ókilderimen iskerlik baılanysty damytý týraly jańalyqty Sevenchan myrza zor qýa­nysh­­pen qarsy aldy. Onyń aıtýynsha etnıkalyq qazaqtardan shyqqan kóp­te­gen bıznes ókili iskerlik baılanys ornatý men jańa rynokty zertteýge múddeli.

Budan keıin delegaııa kıim men onyń erekshelikterin, sýmkalar jáne portfelderdi áshekeıleýmen aınalysatyn kompanııaǵa bardy. Kompanııany qazaq dıasporasynyń múshesi, Túrkııada týǵan  Omer Chorýhlý basqarady.  Kompanııanyń óndiristik qýaty mol jáne ónimderin AQSh, Eýropa, Efıopııa, men TMD elderine shyǵarady.  Kompanııa Qazaqstan qalalarynyń birinde ókildigin ashýǵa qazirdiń ózinde daıyn. Sóıtip, delegaııa saparyn Qazaqstan naryǵyna shyǵýǵa múddeli kúrteshe, ton, tulyp tigýmen jáne satýmen aınalysatyn Túrkııanyń azamaty, otandasymyz Mustafa Akıýzdyń kásipornymen tanysýmen aıaqtady.

Delegaııa ókilderi otandastardy bıznesti damytýda jáne júıeli negizde berik iskerlik baılanys ornatýda múmkindiginshe qoldaý bolatynyna sendirdi. Basty mindeti Qazaqstanmen qatar shet elde bıznes jobalardy izdeý jáne damytýǵa kómek kórsetýge baǵyttalǵan «Atameken» iskerlik úıin qurý jobasy týraly aıtty. Uıymdastyrýshylardyń oılastyrýy boıynsha dúnıejúzilik Qazaq úıi quramyna kiretin joba saıasat pen kommerııadan tys bolady.

B. BALYQBAI

Sońǵy jańalyqtar