8 Tamyz, 16:06 502 0 Qaýipsizdik Dınara MYŃJASARQYZY

Atambaev merzimsiz mıtıng jarııalady

Qyrǵyzstannyń burynǵy prezıdenti Almazbek Atambaev Bishkektegi "Medıa Forým" ǵımaratynyń aldynda merzimsiz mıtıng jarııalady. Eks-prezıdentke tıesili ǵımaratta "Aprel" telearnasynyń redakııasy ornalasqan.

"Bizdi malǵa teńemes úshin, mıtıngke shyǵamyz. Keshe ustaýǵa árekettendi, bılik baǵytyn ózgertti. Bul keshende Atambaevtyń ǵana qarýy boldy. Bas prokýratýra bilmegensıdi nemese zańdy jetik bilmeıdi - meniń úıim sot sheshimi shyqqansha memleket kúzetinde, munda eshqandaı kúshtiń basyp kirýine quqyǵy joq", - dep málimdedi Atambaev.

Qyrǵyzstan prezıdenti Sooronbaı Jeenbekov 8 tamyzda Qaýipsizdik keńesinde Atambaev "zańdy tergeý is-sharalaryna qarsy qarýly qarsylyq kórsetip, Konstıtýııany jáne eldiń zańdaryn óreskel buzdy" dep málimdedi.

Atambaev rezıdenııasy ornalasqan Koı-Tash aýylynda qazir shamamen 300 adam tur. Olar Aq úı men úkimet ǵımaratyna "Jeenbekov, ket" degen uranmen barmaqshy. Bul týraly jergilikti aqparat quraldary habarlady.

8 tamyzǵa qaraǵan túni Qyrǵyzstan ulttyq qaýipsizdik memlekettik komıteti eldiń burynǵy prezıdenti Almasbek Atambaevtyń Bishkekke jaqyn Koı-Tash aýylyndaǵy rezıdenııasyna shabýyldady. Operaııa sátsiz aıaqtaldy.

Málimetterge qaraǵanda, arnaıy qyzmet jabyq bólmelerdiń birinde tyǵylǵan burynǵy prezıdentti ustaı almady. Bul ýaqytta Atambaevtyń jaqtastary rezıdenııa qorshaýynyń bir tusyn qulatyp, ishke engen. Olar arnaıy jasaqtyń birneshe múshesin ustap, olardyń qarýlaryn tartyp alyp, soqqyǵa jyqqan.

Almazbek Atambaev málimdeme jasady. Ony "Aprel" telearnasynyń efıri arqyly kórsetti. Ol ustaý áreketi zańsyz ekenin málimdegen. Atambaev bılikti mundaı áreketin doǵarýǵa shaqyryp, bunyń arty jaqsylyqqa aparmaıtynyn eskertken.

Janjaldan, sońǵy málimet boıynsha, 52 adam zardap shekti, arnaıy jasaqtyń bir múshesi oqtan qaza tapty. Aýrýhanalarda 31 adam jatyr. Shý oblystyq ishki ister basqarmasynyń basshysy Samat Kýrmankýlov komaǵa túsken, oǵan eki márte ota jasaldy. Taǵy bir adam jansaqtaý bóliminde jatyr.

Burynǵy prezıdent Almazbek Atambaev arnaıy jasaq sarbazynyń ólimine qazirgi memleket basshysy Sooronbaı Jeenbekov kináli dep esepteıdi. Bul pikirin ol jaqtastarymen kezdesýde aıtty.

Atambaevtyń úıinde arnaıy jasaqtyń alty sarbazy kepilde otyr. Atambaev jaqtastary aýylda elektr qýaty men baılanysty qalpyna keltirýdi talap etip, sonda ǵana kepildegilerdi bosatatynyn aıtqan. Kúsh qurylymdary burynǵy prezıdenttiń jaqtastarymen kelissózden soń aýyldan shyǵyp ketken.

Sońǵy jańalyqtar