8 Tamyz, 14:37 325 0 Qoǵam Turkystan Support

Arystaǵy apatqa kináliler jazalandy

Prezıdent Qasym-Jomart Toqaev Arystaǵy jarylystyń oryn alýyna baılanysty Qazaqstannyń Qorǵanys mınıstrliginiń burynǵy basshylyǵyna sógis jarııalady.

Memleket basshysynyń Arystaǵy jary­lys­qa oraı kinálilerdi jazalaýǵa arnalǵan Ókimimen «qarý-jaraq pen oq-dárilerdi kó­shirý kezinde qaýipsizdik sharalarynyń saq­ta­lýyn  qatań baqylaı almaǵandyǵy úshin, so­nyń saldarynan Arys qalasynda orna­las­qan áskerı bólimshedegi qarý-jaraqtyń jary­lýyna jáne qalada adam shyǵynynyń oryn alýyna, turǵyn úıler men túrli ǵımarat­tar­dyń qıraýyna jol bergeni úshin» buryn Qazaq­stan Respýblıkasy qorǵanys mınıstri bolyp qyzmet atqarǵan Sáken Ádilhanuly Jasuzaqov Qazaqstan Respýblıkasynyń Qarýly Kúshteri qatarynan  shyǵaryldy.

Sondaı-aq, Qazaqstan Respýblıkasy Qor­ǵa­nys mınıstriniń birinshi orynbasary – Qazaqstan Respýblıkasy Qarýly Kúshteri Bas shtabynyń bastyǵy Murat Káribaıuly Bek­tanovqa, Qazaqstan Respýblıkasy Qorǵanys mı­nıstriniń birinshi orynbasary – Qazaqstan Respýblıkasy Qarýly Kúshteri Bas shtabynyń bastyǵy bolyp qyzmet atqarǵan Murat Jáleluly Maıkeevke, Qazaqstan Respýblıkasy Qorǵanys mınıstriniń orynbasary bolyp qyzmet atqarǵan Talǵat Jeńisuly Jan­jú­menovke qatań sógis jarııalandy.

P.S.

Ótken aıdyń ortasynda Úkimettiń keńeıtilgen otyrysynda Arys oqıǵasy arnaıy sóz bolyp, memleket basshysy Qasym-Jomart Toqaev Arystaǵy joı­qyn jarylysqa jol bergeni úshin Nur­lan Ermekbaevqa qatań sógis jarııa­laǵan bolatyn.

2019 jyldyń 24 maýsymynda Túrkis­tan oblysynyń Arys qalasyndaǵy áskerı bólim aýmaǵynda Qazaqstan Respýblıkasy Qarýly Kúshterine qarasty áskerı arsenaldardyń birinde oq-dáriler saqtalǵan ǵımarattan órt shyǵyp, izinshe bolǵan joıqyn jarylys saldarynan kisi ólimi oryn alyp, qaladaǵy kóptegen turǵyn úılerge zııan kelgendi.

Sońǵy jańalyqtar