7 Tamyz, 23:44 494 0 Bilim Dınara MYŃJASARQYZY

Stýdenttik «Climate Week» ekologııalyq festıvali bastaldy

 5 tamyz kúni Qazaq ulttyq agrarlyq ýnıversıtetinde   stýdenttik «Climate Week» ekoolgııalyq festıvali ashyldy.

Bul sharany Nazarbaev Ýnıversıteti, «Qazaqstandyq ulttyq geografııalyq qoǵam» men Green Campus Keńsesi, Qazaqstandaǵy BUU Damý Baǵdarlamasy jáne Qazaq ulttyq agrarlyq ýnıversıteti birlese uıymdastyrdy. Jastardyń eńsesin kótergen ıgi istiń joǵary deńgeıde ótýine Almaty qalasynyń ákimdigi, «Almighty Ecology» qoǵamdyq qory jáne Halyqaralyq jasyl tehnologııalar jáne ınvestıııalyq jobalar ortalyǵy qoldaý bildirdi.

Festıval Jastar jyly aıasynda jáne ol klımat ózgerý salasyndaǵy sharalarǵa arnalǵan SAMMIT-2019 qarsańynda ótip otyr. Ol stýdentterdiń boıynda ekologııalyq mádenıetti qalyptastyrýǵa jáne eko-týrızmdi damytýǵa baǵyttalǵan. Festıval barysynda Qazaqstandaǵy BUU Damý Baǵdarlamasynyń qoldaýymen «Klımattyń ózgerýi» taqyrybynda kreatıvti baıandamalar baıqaýy,  Green Campus Keńsesi men Qazaqstandyq ulttyq geografııalyq qoǵamnyń tusaýkeser rásimderin ótkizý kózdelgen.

Festıvalǵa Nazarbaev Ýnıversıteti jáne onyń áriptes joǵary oqý oryndary: Qazaq ulttyq agrarlyq ýnıversıteti, Almaty Energetıka jáne Baılanys ýnıversıteti, Satbayev University, ál-Farabı atyndaǵy Qazaq Ulttyq ýnıversıteti, Qazaq-brıtan tehnıkalyq ýnıversıteti, Qaraǵandy memlekettik ýnıversıtetiniń stýdentteri qatysty.

QazUAÝ rektory, akademık Tilektes Espolov qatysýshylardy festıvaldiń ashylýymen quttyqtap, ýnıversıtettegi «Nazarbaev bilim jáne ǵylym ortalyǵy»,  Qazaqstan-japon ınnovaııalyq ortalyǵy, Agrotehnologııalyq Habtyń ǵylymı-tájirıbelik-ınnovaııalyq zerthanalarynyń jumysymen tanystyrdy.

Festıvaldiń resmı bólimderinen soń uıymdastyrýshylar jastardy Almaty oblysyndaǵy Sharyn shatqalyna, kórikti Kólsaı, Qaıyńdy kólderine arnaıy saıahatqa aparady.

Sońǵy jańalyqtar