7 Tamyz, 23:17 530 0 Qoǵam Dınara MYŃJASARQYZY

Jinalike jobasy – álemge jol ashady

Shetelge sapar shegetin kez kelgen adam áýeli turaqtaıtyn oryn izdeıdi. Mundaıda búkil álem jurty booking.com-nyń kómegine júginedi. Endi bul jeliniń qazaqstandyq balamasy bar. Jinalike.com jobasyn usynǵan «FlowSystem» JShS Ǵylym qory uıymdastyrǵan baıqaýda 300 mıllıon teńge kóleminde grant jeńip alyp, túrli iskerlik is-sharalar ótkizetin zaldardy, sondaı-aq, kovorkıngter men hostelderdi izdeý jáne brondaý úshin arnalǵan teńdesi joq platformanyń tusaýyn kesti.

«Ǵylym qory» AQ Basqarýshy dırektory Lázzat Moldabaeva ǵylymdy kommerııalandyrý baǵytynda qor tarapynan úlken qoldaý kórsetilip, sońǵy úsh jylda tyń jobalardyń júzege asqandyǵyn jetkizdi. Búginde «FlowSystem» JShS bul qarjyǵa arnaıy marketıngtik zertteýler júrgizip, jobaǵa qajetti jabdyqtar satyp alǵan. Qazirgi tańda 100-den astam jobalar belsendi júzege asyrylǵan bolsa, aǵymdaǵy jyldyń osy merzimine deıin 6 joba ázirlengen. 37 joba taýar óndirý, qyzmet kórsetý maqsatynda jumys isteı bastaǵan.  Bul jobalardan túsken tabys kólemi 1 mıllıard teńgege jýyqtaıdy.  Al IT tehnologııalar boıynsha alǵashqy «Jinalike» (Jınalaıyq)  jobasy izdestirý jumystaryn jedel atqaratyndyqtan, ýaqyt únemdeý, qyzmet sapasyn arttyra túsýge múmkindik beredi.

Jobanyń maqsatyn tanystyrǵan «Flow System» JShS dırektory Danııar Ilıev: «Q-conference kóptegen iskerlik sharalarǵa arnalǵan zaldar, kovorkıngter men hostelderdi izdeý jáne brondaýǵa arnalǵan platforma retinde tanylǵan alań. «Ǵylym qorynan» jeńip alǵan 300 mıllıon teńge kólemindegi grantqa marketıngtik baǵyttaǵy, sondaı-aq jańa jobanyń damý baǵytyndaǵy is-sharalar júzege asty. Saıttyń fýnkıonaldylyǵy tekserilip, joǵarǵy júktemeligi men turaqtylyǵy synaqtan ótti. Sondaı-aq, saıtty izdeýdiń ońtaılylyǵy eskerilip, nátıjesinde júkteý jyldamdyǵy 25 paıyzǵa artty. IT mamandar eki jyl ishinde daıyndyq jumystaryn jasap, 5 aıdyń ishinde joba 65 mln teńge tabysqa qol jetkizdi. Qazirgi kezde jalǵa berýshilermen kelisim-shart jasaý jumystary qarqyndy júrgizilýde.  Jaqyn arada joba ónim boıynsha paıdasyn beredi degen senim mol», – deıdi.

Álemniń 227 elinde emin-erkin qyzmet kórsetetin tıimdi jobany ómirge ákelgen «Flow System» JShS 2017 jyly qurylǵan. Munda negizinen 20-25 jas shamasyndaǵy IT salasyndaǵy jas mamandar jumys isteıdi. Búginde jobanyń Túrkııa, Qytaı, Reseı jáne birqatar eýropalyq elderde serikstestikteri bar. Olarǵa tıisti aımaqtarǵa baǵyttalǵan aıryqsha quqyq berilgen. Joba uıymdastyrýshylary   brendti qazaqsha «Jinalike» qarapaıym sózi arqyly toptap, sıpaty men maqsatyn bir sóz aıasyna syıdyryp, túsinýge yńǵaıly etip jasaýǵa tyrysqanyn aıtady.

Sońǵy jańalyqtar