7 Tamyz, 21:02 331 0 Qaýipsizdik Dınara MYŃJASARQYZY

Koreıada 10 myńnan astam qazaqstandyq zańsyz jumys isteýde

Koreıada 10 myńnan astam qazaqstandyq zańsyz jumys istep jatyr. Koreıada qazaqstandyq zańsyz eńbek mıgranttarynyń sany kúrt kóbeıdi. Bul týraly Koreıa Respýblıkasynyń Qazaqstandaǵy Tótenshe jáne Ókiletti elshisi Kım De-Sık, BAQ ókilderimen kezdesý barysynda málim etti.

Koreıa elshisiniń aıtýynsha, Qazaqstan azamattarynyń Koreıaǵa jumysqa barýy jıilep ketti. Ol jaqta zańsyz jurgen qazaqstandyqtar sany artyp keledi. Adamdar Qazaqstan men Ońtústik Koreıa arasyndaǵy ekijaqty vızasyz rejimdi óz paıdasyna asyrýda. «Olar qandaı jaǵdaıda barady deıtin bolsaq, árıne kóbi burynnan baryp jumysqa ornyǵyp alǵandar. Qazirgi ýaqytta Koreıada zańsyz jumys jasaıtyn Qazaqstan azamattary óz týystaryn shaqyrý arqyly jumysqa alyp qalyp jatady. Kóptegen sebeptermen aýmaqqa enip alǵan. Ol adamdar qara jumys isteıdi. Koreıaǵa vızasyz rejim arqyly jetip alady. Iaǵnı, týrıst retinde baryp keıin nápaqa tabýdyń qamyna kirisedi. Mundaı jaıttar eki eldiń qarym-qatynasyna, dostyǵyna áser etpeıdi, dese de eki eldiń mádenıetine keri áserin tıgizbese eken deımiz»,- deıdi Koreıa Respýblıkasynyń Qazaqstandaǵy Tótenshe jáne Ókiletti elshisi Kım De-Sık. Resmı derekterge saı búginde Ońtústik Koreıada 10 myńnan astam qazaqstandyq zańsyz júr. Buǵan deıin QR Syrtqy ister mınıstrligi Ońtústik Koreıa óz aýmaǵynda zańsyz júrgen shet el azamattaryn qolaıly jaǵdaıda elden shyǵara alýy úshin «jasyl dáliz» rejimin engizgen bolatyn. «Jasyl dáliz» rejiminiń shartyna saı, Koreıadaǵy shet el azamattary, sonyń ishinde qazaqstandyqtar Koreıa aýmaǵynan óz erikterimen shyǵýǵa tıis. Eger,olar óz erikterimen týǵan jerlerine qaıtýǵa nıet bildirse, onda olar eshqandaı ákimshilik jaýapqa tartylmaıdy»,- deıdi Kım De-Sık.

Sońǵy jańalyqtar